影片
更多
2008-11-13
57 瀏覽
一向都深明好多老店服務態度ma ma地...但食物好食都會忍唔住去幫襯. 冇服務, 為左食都會忍!! 但對呢間係激怒, 忍無可忍.一行8人, 伙計分配左一張大枱俾我地, 當然, 收費小菜佢地"毫不吝惜"咁俾左6碟我地. 叫了10個菜 (不計3個甜品). 老伙計當然不斷推介貴價海鮮小菜, 出慣嚟"食"嘅我地已經好醒地全部唔叫. 點知上枱時, 來了2個菜, 見碟鵝片超大碟, 已經奇怪地問伙計係咪轉左加大.伙計答係...因為我地例牌唔夠食~ 自動幫我地加大. 好"體貼", 原來佢地對我地食量仲清楚過我地自己!!!!叫佢地其他改返例牌, 解釋左因為我地已經叫左10個菜仲要食甜品. 其中一個伙計黑面啤一啤我地就走去counter, 以為佢改單, 點知又搵另一個老伙計嚟, 同我地講:"冇例牌ga, 得加大". 我問:"你地d 菜平時都冇例牌ga?" 佢好理直氣壯地答:"有, 不過你地坐大枱, 就一定要加大". 嘩~你d收費理由同d海鮮價一樣層出不窮!! 就算真係有咁規則你入坐時講明呀~!! 極度過份!! 今時今日咁嘅態度, 望你快d 執!! 如果唔係唔想掃其他朋友慶, 必定拍枱走人唔食!! 九龍
一行8人, 伙計分配左一張大枱俾我地, 當然, 收費小菜佢地"毫不吝惜"咁俾左6碟我地.
叫了10個菜 (不計3個甜品). 老伙計當然不斷推介貴價海鮮小菜, 出慣嚟"食"嘅我地已經好醒地全部唔叫. 點知上枱時, 來了2個菜, 見碟鵝片超大碟, 已經奇怪地問伙計係咪轉左加大.
伙計答係...因為我地例牌唔夠食~ 自動幫我地加大. 好"體貼", 原來佢地對我地食量仲清楚過我地自己!!!!
叫佢地其他改返例牌, 解釋左因為我地已經叫左10個菜仲要食甜品. 其中一個伙計黑面啤一啤我地就走去counter, 以為佢改單, 點知又搵另一個老伙計嚟, 同我地講:"冇例牌ga, 得加大". 我問:"你地d 菜平時都冇例牌ga?" 佢好理直氣壯地答:"有, 不過你地坐大枱, 就一定要加大". 嘩~你d收費理由同d海鮮價一樣層出不窮!! 就算真係有咁規則你入坐時講明呀~!! 極度過份!! 今時今日咁嘅態度, 望你快d 執!! 如果唔係唔想掃其他朋友慶, 必定拍枱走人唔食!! 九龍城選擇多..唔會去啞氣吞聲縱容呢d食店!!
環境方面, 已經唔要靚裝修, 不過都唔好一邊食一邊長期有幾隻小強係d牆身走嚟走去(我地坐貼牆).
食物方面, 食左如下嘅野:
1) 大眼雞 --- ok啦, 都好難整得難食.
2) 鵝片 --- 已經加大左, 成二百幾蚊. 應該豆腐件數多過鵝片好多. 味道合格啦.
3) 方魚肉碎 + 蠔仔粥 --- 無味!! 又唔係多料. 難食..以前自己食緊醫院入面d病人粥, 可能醫院仲好味d.
4) 蘿白餅 --- 呢個叫做好食d. 似炸蘿蔔糕, 除左油d, 佢地叫食到有蘿蔔味.
5) 椒鹽吊桶 --- 上枱時已經涷晒. 有3湯匙油係碟底, 冇椒鹽味. 又係差~
6) 蠔餅 --- 差差差!!! 見到炸到索晒d油唔止, 仲要入面d粉張係又多又濕, 一pat 糊咁. 又食唔到蠔味.
7) 雞油豆苗 --- 幾好. 又係..好難整得難食嘅一樣.
8) 白灼花螺 --- 幾好. 白灼左, 細細粒, 都有鮮味.
9) 蟶子 --- ma ma地. 上枱時d肉甩晒, 又係涷涷地. 炒得有d過火左..個汁ok啦..唔算好好味.
甜品唔想寫...冇咩特別. 食完d咁嘢主菜同受完氣...除左想快d走..對其他都已經冇咩興趣.
呢間野..真係請我都唔再去.
張貼