銀咖哩 (已結業)

因為附近餐廳全部都要等位，見呢一間唔需要等位，地方又闊落，所以就入咗去，價錢真係算平，大概30至$40，學生仲有嘢飲送，呢個價錢真係冇乜嘢可以挑剔。叫咗個照燒雞肉咖喱飯，其實都幾頹，就係咖喱汁白飯再加少少雞肉，但係雞肉都算滑，$35來講我覺得唔錯，另外再加左$11要蟹肉忌廉薯餅，香脆得來入邊都幾香滑，忌廉味都足，唔錯，但係辣到方面雖然選擇咗大辣，但係其實都係隔離加咗辣粉比你自己再撈勻，如果唔撈都係小辣，朋友叫嘅吉列豬扒十分之差，個皮又厚又硬，完全食唔到肉同香脆嘅感覺，所以呢一間嘅吉列系列我都唔推介，佢加三蚊轉烏冬，但唔彈牙又削身，可以慳番唔洗加了。