良辰吉時 (已結業)

今日休息～約左朋友到元朗食飯～早左小小就自己行下街先～行到附近囗渴想飲下野～有夏茶，對面就良辰吉時～夏茶排左幾個人，就過對面咁岩冇人既良辰吉時～開左咁耐經過幾次都大排長龍，FB上好多朋友都排隊買，今次竟然冇人，就去買杯我好掛住台灣既黑糖鮮奶～啵爆黑糖厚鮮奶，等左不用5分鐘～拎個時店員亦講解先用飲管攪拌黑糖先飲～飲左一啖～不太甜，有鮮奶味～但黑糖味不特出，珍珠比較多，亦比較煙韌～一路行一路飲，行到千色店一樓已飲哂，淨左 D珍珠～感覺上同普通珍珠鮮奶沒分別！價錢有 D貴……整體黎講我比較喜歡老虎頭，黑糖味濃帶甜少少，配細珍珠一流～價錢應該差不多掛～因為上個月係台灣飲～