影片
更多
2011-11-17
44 瀏覽
上星期食完~ 感覺尚算ok!!食完之後好想寫篇食評~ 但係呢個星期太忙而家先寫返出黎首先先評論下店面~ 都算幾光淨~7點幾去到開始冇乜位剩!!一坐底當然係叫左半隻鴨既湯底先啦!!4個人半隻其實好夠食!!然後拎起將配料紙...打*既唔可以雙併~其他就可以 但係問題黎...雙併既就寫 【1/2】 結果我成張可以雙併既配料9成都劃左但係邊樣同邊樣雙併呢 係咪佢地選最貴同最平果兩樣合併呢 呢樣係一個問題~ 不過算~ 出黎食飯唔計得咁多 湯底黎到~ 滾滾佢先 得閒既時間又到了 叫啤酒時間到!!咁岩有個著到好似藍X啤酒制服既啤酒妹行過 諗都唔諗就扮型叫左兩支藍X....點知啤酒妹話自己 sale 生x清啤 問下咩價先...清啤就22蚊...但生x原裝果隻就18蚊 有冇搞錯,清啤仲貴過原裝果隻 叫支睇下咩料...飲落都係好似水咁...好難飲.... 之後叫燕x 算~ 14蚊支仲抵飲 湯底滾了~ 待應生都好好招呼~ 每人一碗湯 飲落真係好清~ 好藥材味,完全冇味精可言 正飲完一碗想飲多碗~ 但係啤酒阻住我飲湯既動力...下次都係飲完湯先 叫啤酒飲 配料開始黎~一次過黎哂十六碟~ 好采張台都夠大
食完之後好想寫篇食評~ 但係呢個星期太忙
而家先寫返出黎
首先先評論下店面~ 都算幾光淨~
7點幾去到開始冇乜位剩!!
一坐底當然係叫左半隻鴨既湯底先啦!!
4個人半隻其實好夠食!!
然後拎起將配料紙...打*既唔可以雙併~其他就可以
但係問題黎...雙併既就寫 【1/2】 結果我成張可以雙併既配料9成都劃左
但係邊樣同邊樣雙併呢 係咪佢地選最貴同最平果兩樣合併呢
呢樣係一個問題~ 不過算~ 出黎食飯唔計得咁多
湯底黎到~ 滾滾佢先
得閒既時間又到了 叫啤酒時間到!!
咁岩有個著到好似藍X啤酒制服既啤酒妹行過
諗都唔諗就扮型叫左兩支藍X....
點知啤酒妹話自己 sale 生x清啤
問下咩價先...清啤就22蚊...但生x原裝果隻就18蚊
有冇搞錯,清啤仲貴過原裝果隻 叫支睇下咩料...
飲落都係好似水咁...好難飲.... 之後叫燕x 算~ 14蚊支仲抵飲
湯底滾了~ 待應生都好好招呼~ 每人一碗湯
飲落真係好清~ 好藥材味,完全冇味精可言 正
飲完一碗想飲多碗~ 但係啤酒阻住我飲湯既動力...
下次都係飲完湯先 叫啤酒飲
配料開始黎~一次過黎哂十六碟~ 好采張台都夠大~擺到8成配料
其他既就放係茶機度
當正式打邊爐果時~待應生會張 清湯倒落d湯度
原本好好味既湯底就變成淡而無味....
咁多樣配料中,比較吸引係肥鵝腸~ 講真句~ 一碟肥鵝肥九龍城可能賣成78蚊一碟...但呢度38蚊一碟!! 叫左兩碟!!正
而牛肉 本地手切肥牛 已經好食 ,唔需要叫安格斯牛肉
哈!!蟹粉丸第一次食.... 細細啖咬...都辣親個嘴
冇人提示下..同台4人都中哂招...因為同一時間咬
不過味道都唔差 ~ 可以一試!!
食既途中待應會自動加湯底~ 值得一讚
其他野就好一般...同普通火鍋店差唔多
賣單 接近一千蚊!! 除返4位都係250蚊
到11點左右 待應好似趕客走
問佢地收幾點~ 佢地話收3點
成間舖都冇乜人了~ 所以想趕埋我地走
真係搞到好唔開心....成日扮好心d待應
得閒走埋黎問句~ 先生食完未~洗唔洗幫你收梗d野
隔5分鐘問一次...講真句...比你地係咁問..心情唔好真係會罵返d待應轉頭
其實呢間野 係初頭既湯底吸引人~ 其次係肥鵝肥!!如果唔食鵝肥~ 唔叫呢個湯底...呢間野可以放棄...
配料唔係平~ 仲好一般~ 屬一般貨色既火鍋店
因為成條街仲有大把火鍋店
張貼
