影片
更多
2008-11-08
9 瀏覽
小金魚變成咗小病魚足足一個星期有多，剛剛呢個星期好d，見今日唔洗返工，就同魚媽媽出街搵食啦，補償一下食咗一個星期的白粥o既可憐魚胃(食到差點見到白色野都驚)。本嚟諗住同魚媽媽食和花亭，但係魚媽媽嫌行過去太子遠，以魚媽媽咁慳廉的性格又點會肯"打的"去吖(就算係小金魚比都係咁話)，但係又唔想同魚媽媽食麥當當or肯基基咁，諗諗下就醒起屋企附近仲有間峰壽司喎，之前係銅鑼灣有食過，味道唔錯，於是就同魚媽媽游咗過試下啦。去到見到門口都有幾多人等位(個時只係2點幾到)，我攞咗張飛都驚要等好耐(魚媽媽係老人家~邊肯等成個鐘頭只係為咗食餐lunch吖~~)，不過都算好彩，我地等咗10分鐘左右就有位，仲要係迴轉位添hehehehe。好~~坐定~~揀野食....... 蟹柳壽司：第一次係銅鑼灣食的時候，覺得超好食，但係今次就一般般啦，size細咗，仲要變咗無味道，雖然比起街邊所謂蟹柳都算好好多，但係差咗就係差咗。三文魚腩壽司：小金魚覺得同普通三文魚壽司無乜分別，雖然叫腩但係就一d都無肥美的感覺，可能係因為切得太薄的關係，失去叫人覺得肥美的感覺，我好似見佢無普通三文魚壽司供應(定係我無為意~但係我就唔見迴轉帶
本嚟諗住同魚媽媽食和花亭，但係魚媽媽嫌行過去太子遠，以魚媽媽咁慳廉的性格又點會肯"打的"去吖(就算係小金魚比都係咁話)，但係又唔想同魚媽媽食麥當當or肯基基咁，諗諗下就醒起屋企附近仲有間峰壽司喎，之前係銅鑼灣有食過，味道唔錯，於是就同魚媽媽游咗過試下啦。
去到見到門口都有幾多人等位(個時只係2點幾到)，我攞咗張飛都驚要等好耐(魚媽媽係老人家~邊肯等成個鐘頭只係為咗食餐lunch吖~~)，不過都算好彩，我地等咗10分鐘左右就有位，仲要係迴轉位添hehehehe。
好~~坐定~~揀野食.......
蟹柳壽司：第一次係銅鑼灣食的時候，覺得超好食，但係今次就一般般啦，size細咗，仲要變咗無味道，雖然比起街邊所謂蟹柳都算好好多，但係差咗就係差咗。
三文魚腩壽司：小金魚覺得同普通三文魚壽司無乜分別，雖然叫腩但係就一d都無肥美的感覺，可能係因為切得太薄的關係，失去叫人覺得肥美的感覺，我好似見佢無普通三文魚壽司供應(定係我無為意~但係我就唔見迴轉帶上有啦)，雖然價錢唔係貴，我記得大約好似是$12到啦，但係真係無食腩的感覺，如果當普通三文魚嚟食反而ok好多。
魷魚壽司：一般，無乜特別，不過尚叫新鮮啦。
火炙壽司：一碟有三件(鰻魚 + 帶子 + 三文魚)，其實叫呢碟係因為魚媽媽話想食熟食的壽司，三件都係用火槍燒過個面再"查"汁係面，帶子最好食，因為夠厚身，鰻魚同三文魚就太薄啦，而且小金魚覺得三文魚都係生食比較好，熟咗會"鞋"口d，鰻魚太薄身就無口感。
鰻魚壽司：呢個比上面個個火炙鰻魚好好多，魚身夠厚，再加上個鰻魚汁較得唔錯，無一味死甜，而且上到枱仲微熱，食落口就唔會覺得好腥。
沙咀魚 & 炸蝦壽司+抺茶鹽：因為呢個係叫的唔係係迴轉上攞，所以上到嚟熱辣辣，不過魚本身就無乜味，就算加咗鹽都係咁。至於個炸蝦壽司就同和花亭差太遠啦，呢度就炸漿薄同和花亭好多，但係隻蝦身唔夠彈牙，而且我個人覺得和花亭落沙律醬比鹽配合，不過呢個係個人口味，不夠作準啦~~~
軟殼蟹 & 炸蝦手卷：熱辣辣原因同上，不過件軟殼蟹size相當細，藏係d飯入面差點見佢唔到，炸蝦就因為現炸，好熱辣辣，仲要加上呢度d手卷無落青瓜，我唔洗"了"都可以成個食矖，而d紫菜就尚脆，我覺得比壽司好食。(都可能係口味問題啦)
珍寶炸蠔：呢個係魚媽媽指明要點的，熱辣辣原因都係同同上啦，隻蠔都幾creamy又夠大隻同新鮮無腥味，而且個炸漿較得唔錯，唔會食到一口粉咁，成餐最好食都可以算係呢樣。
service方面，大致ok，雖然好似有d待應係日本人，但係用手指指的方式都落到單，再加上我地坐係近門口位，全部待應都係企係個度，要叫人都唔會太困難啦。
價錢方面，我地2個人食咗hkd215.00，lunch嚟講都算貴，不過叫做接受到啦~~~
不過我都係比較鐘意食和花亭多d囉~~~hehehehe
張貼