一粥麵 (+WOO嘉湖一期)

營業中

休息中

由於今晚突然有啲突發事發生咗，令到4姨媽好唔開心，所以我們就即刻趕入去天水圍安慰一下姨媽，而我們就約咗喺嘉湖銀座嘅「一粥麵」等！我們叫咗皮蛋瘦肉粥嘅粥底煲得都幾軟綿，皮蛋都幾甘香，而瘦肉嘅肉質就比較「粗嚡」！豉油皇炒麵炒得就幾香幾惹味，但就略嫌麵質比較腍身同比較油膩！鮮蝦雲吞麵嘅雲吞皮都算薄身，但入面嘅餡料豬肉份量比較多，蝦肉就唔係好多，所以食落比較膩，至於麵質都幾煙韌彈牙！香滑齋腸粉可能唔係即叫即拉，所以質感比較乾同硬，呢點係令我們覺得比較失望！