影片
更多
2021-09-24
3274 瀏覽
近呢大半年多左去大角咀搵食, 每次食完飯都會周圍行下消化下, 基本上呢幾次既行程都係途經西九匯到達奧海城最後再到位於旺角街市我喜愛的一間台灣🇹🇼食材店補下貨。FRITES Belgium on Tap 就係位於西九匯最當眼的位置, 全落地玻璃高樓底設計, 給人一種輕鬆時尚的感覺。可惜食評麻麻, 所以都無去幫襯過, 直至有日見網友討論呢間餐廳, 話佢地既青口好好味, 當堂眼前一亮, 即刻訂位去食。因為今日返半日工, 所以訂左北角呢間位置較近公司既分店。我地點左招牌忌廉青口, 早餐拼盤, 蘋果汁同Tikkicolada。招牌忌廉青口 - 咁多年來都唔覺得青口係一樣好味既食物, 肉質硬又無咩味, 時不時仲會食到霉霉地又有腥味既。自從係希臘🇬🇷食過青口後, 發現青口原來可以咁鮮甜嫩滑, 對佢又有返希望, 滿心歡喜返黎香港搵返嗰種味道, 但可惜, 食過幾次之後, 又返返去以前對青口既印象 - 好普通。今次見咁多網友推介都有期待, 不過.....感覺都係一般, 偶然食到一兩隻比較滑身, 但同希臘食過的還是有距離, 最重要覺得佢地既青口都係無咩味, 要靠個醬汁搭救。佢地既忌廉汁好似湯咁, 所以我覺得
因為今日返半日工, 所以訂左北角呢間位置較近公司既分店。
我地點左招牌忌廉青口, 早餐拼盤, 蘋果汁同Tikkicolada。
招牌忌廉青口 - 咁多年來都唔覺得青口係一樣好味既食物, 肉質硬又無咩味, 時不時仲會食到霉霉地又有腥味既。自從係希臘🇬🇷食過青口後, 發現青口原來可以咁鮮甜嫩滑, 對佢又有返希望, 滿心歡喜返黎香港搵返嗰種味道, 但可惜, 食過幾次之後, 又返返去以前對青口既印象 - 好普通。今次見咁多網友推介都有期待, 不過.....感覺都係一般, 偶然食到一兩隻比較滑身, 但同希臘食過的還是有距離, 最重要覺得佢地既青口都係無咩味, 要靠個醬汁搭救。佢地既忌廉汁好似湯咁, 所以我覺得個食法係一啖青口再飲一啖湯又或者用麵包🍞沾醬汁食。
早餐拼盤 - 正常表現。$195, 價錢不便宜, 但真係超級大份, 建議如果兩個人去食, 嗌一份青口加一份小食就可以, FRITES Belgium on Tap 既餐點絕對係美式份量。
Tikkicolada - 不錯, 酸酸甜甜, 椰子味重。
對今次FRITES Belgium on Tap的用餐體驗, 印象最好既係塊麵包, 香脆煙韌, 我覺得佢地應該有塗上牛油再煎香過, 無論用來配忌廉汁或者單吃都好好味😋。
張貼
