影片
更多
2023-07-29
326 瀏覽
♡ —————— 𝗗𝗲𝘁𝗮𝗶𝗹𝘀 —————— ♥️【餐廳】但馬屋【地區】#Dr_eat_屯門【價位】中高價位【用餐時段】晚市 星期一【餐廳主打】#Dr_eat_火鍋 #Dr_eat_放題────────────────────【環境/服務/衛生/讚一讚】裝潢富現代時尚感，天花板好高，露出管道同吊燈，空間感十足。除用餐區，更有火鍋材料自助吧，醬汁吧，雪糕吧，飲品櫃等，而肉類經QR CODE落單。店員服務態度良好，上菜速度快，食物質量穩定【套餐 $299-$439 +10%】90分鐘放題中，個人推薦「日本產黑毛和牛及北海道夢之大地豚 $389/人」，除左包括最基本既數十款火鍋材料，Häagen-Dazs雪糕，各式飲品，澳洲產長期毅飼牛，嚴選牛肉，丹麥皇冠豚肉，仲有任食主打既日本產黑毛和牛同北海道夢之大地豚，一次食勻兩種日本高質和牛同豚肉，加埋夏日限定既蕃茄壽喜燒，今個夏天真係零捨不同呀~.【蕃茄壽喜燒底】最新推出既夏日限定版「蕃茄壽喜燒」，話明限定緊係要試下佢～傳統壽喜燒扁鐵鍋鋪滿時令野菜，有蕃茄，洋蔥，蟹味菇，蓮藕，冬瓜，秋葵等，先將野菜煮至起煙，鋪上和牛後淋上蕃茄壽喜燒汁即可。湯底帶濃
♡ —————— 𝗗𝗲𝘁𝗮𝗶𝗹𝘀 —————— ♥️
【餐廳】但馬屋
【地區】#Dr_eat_屯門
【價位】中高價位
【用餐時段】晚市 星期一
【餐廳主打】#Dr_eat_火鍋 #Dr_eat_放題
────────────────────
【環境/服務/衛生/讚一讚】
裝潢富現代時尚感，天花板好高，露出管道同吊燈，空間感十足。除用餐區，更有火鍋材料自助吧，醬汁吧，雪糕吧，飲品櫃等，而肉類經QR CODE落單。店員服務態度良好，上菜速度快，食物質量穩定
【套餐 $299-$439 +10%】
90分鐘放題中，個人推薦「日本產黑毛和牛及北海道夢之大地豚 $389/人」，除左包括最基本既數十款火鍋材料，Häagen-Dazs雪糕，各式飲品，澳洲產長期毅飼牛，嚴選牛肉，丹麥皇冠豚肉，仲有任食主打既日本產黑毛和牛同北海道夢之大地豚，一次食勻兩種日本高質和牛同豚肉，加埋夏日限定既蕃茄壽喜燒，今個夏天真係零捨不同呀~
.
【蕃茄壽喜燒底】
最新推出既夏日限定版「蕃茄壽喜燒」，話明限定緊係要試下佢～傳統壽喜燒扁鐵鍋鋪滿時令野菜，有蕃茄，洋蔥，蟹味菇，蓮藕，冬瓜，秋葵等，先將野菜煮至起煙，鋪上和牛後淋上蕃茄壽喜燒汁即可。湯底帶濃郁既蕃茄風味，混合自家特製既壽喜燒汁，由於係以原粒鮮蕃茄熬製，湯底酸酸甜甜的，真係香氣撲鼻，成個夏日FEEL出哂黎。特別提下大家，新湯底供應期由即日起至31/8/23架炸。
.
【日本產黑毛和牛】
肉質鮮嫩且帶有豐富既脂肪紋理，令每一口都能感受到濃郁既肉汁同柔軟既口感。由於脂肪分佈均勻，融點較低，係鐵鍋烹煮時，肉質保持嫩滑，同時吸收蕃茄壽喜燒汁既精華，香味濃郁且獨特。
.
【北海道夢之大地豚】
黎自日本北海道既高級豚肉，肉質細緻，帶有天然既甜味同鮮美既肉汁，口感豐富柔滑，薄切既大地豚更能體驗到其獨有既細膩質感。值得一提，大地豚既膽固醇極低，仲含有維生素B1，膠原蛋白等，食多多都吾怕啦~
.
【自助吧】
自助吧有火鍋材料，雪糕，水果同飲品。
.
火鍋材料: 有野菜，丸類，烏冬，拉麵等，想配搭蕃茄壽喜燒，推薦冬瓜，秋葵同蟹味菇
.
醬汁: 有意大利純橄欖油，意大利香醋，自家製炒菜脯，雙色小辣椒等。想降辣解膩，試下柚子醋x金桔啦~
.
雪糕: 2023年Häagen-Dazs最新既馬卡龍雪糕系列既三款味道，分別係士多啤梨紅桑子，雙重朱古力同柚子檸檬
.
水果: 有西瓜，哈密瓜，菠蘿等夏日當做水果
.
飲品: 推薦ZERO COLA，OOHA系列，平衡下食大餐既罪惡感
.
【整體用餐感/價錢】
二人買單約$860，以佢供應既任食高質日本產和牛及豚肉，加上每次ENCORE既品質都KEEP到咁上下黎講，呢個價錢真係值回票價。另外買單後仲可以憑單玩「千本引」拉繩小遊戲，拉起任何一條繩子就享有精選既夏日祭典玩具，零食，餐飲優惠券等，食完再玩，最岩哂小朋友黎~
────────────────────
•• ┈┈┈┈┈ 𝗦𝗘𝗘 𝗠𝗢𝗥𝗘 ┈┈┈┈┈ ••
【地址】屯門屯門鄉事會路83號V City1樓L1-8號舖
【分店】屯門|葵芳|觀塘
【℡】26982628
【營業時間】星期一至四, 日 12:00-22:00; 星期五至六 12:00-22:30
.
以上只為我當時食用後作出的個人意見，請留意口味/款式/用餐感等會因應不同人及時間而變，如有不同，敬請見諒。
張貼
