壽司翔太 (已結業)

朝早忽然想食壽司，想搵間好d，係openrice search下，見comments都ok，決定夜晚去食。壽司叫了個特上壽司拼盤，再另加兩件散叫蟹籽同鰻魚壽司，拼盤有海膽、toro、赤見及左口魚等味道一般，紫菜較淋唔得爽脆，而飯係淋唔夠黏性又唔夠醋味。Menu冇牡丹蝦好失望，問個待應姐姐話有60蚊一隻刺身，價錢唔算平只叫了兩隻，一上枱唔見頭及腳，原來係一蝦兩食，蝦身做刺身，其餘攞去炸，蝦肉需夠脆，但唔夠鮮甜，反而炸左的頭同腳仲好食，咸咸地口感似鹽燒，不過炸過後好似少左d蝦膏。冷烏冬夠正宗，與日本一樣煙煙韌韌有咬口，係香港好多數d烏冬都較淋。論水準及價錢都不及孝勢好。