影片
更多
2012-05-02
1009 瀏覽
稻香一蚊雞優惠原本4月30日就到期，點知佢地延長優惠至5月4號，我地一家人即刻拿拿臨訂枱，趁五一假期提早慶祝母親節！Book左八點鐘5個人食飯，我7:53pm去到侍應就即刻畀位我，完全唔駛等，非常好！開左茶位，家人陸續到齊，我地5個人響度左睇右睇，諗緊叫咩好，侍應哥哥都幾好人，主動埋黎話︰不如叫左一蚊雞先？限量供應呀，不如早D幫你地叫左雞先~由於人多，我地決定一口氣叫3隻穗香雞！D雞好快就送到啦！真係成隻雞上，大大碟加埋3蚊咋，真係抵到爛！講真，佢其實只係浸熟左隻雞，上碟時加D豉油畀你點黎食，冇乜功夫，所以都唔敢話好好味，不過平到咁，大大隻D肉都相當滑，絕對收貨啦！我地隨後叫左個京都骨，$78蚊比較細碟，不過配埋蜜桃汁都幾好味架，D骨炸得夠香口~跟手又叫左個菜($68)，淡淡地清清地，不過不失啦，冇咩特別...再叫多個金菇肥牛煲，除左金菇仲有唔少芽菜同粉絲，肥牛一D都唔肥，不過正好適合女士食！整得好香而且都幾大煲架，$78呢個好味道兼抵食~食到咁上下，決定再叫多一隻一蚊雞！好過叫飯食囉，白飯都成10蚊碗，成隻雞先至收你$1...我地每人加$8可以享“自助吧”優惠，全晚免費享用各式飲品甜
Book左八點鐘5個人食飯，我7:53pm去到侍應就即刻畀位我，完全唔駛等，非常好！開左茶位，家人陸續到齊，我地5個人響度左睇右睇，諗緊叫咩好，侍應哥哥都幾好人，主動埋黎話︰不如叫左一蚊雞先？限量供應呀，不如早D幫你地叫左雞先~
由於人多，我地決定一口氣叫3隻穗香雞！D雞好快就送到啦！真係成隻雞上，大大碟加埋3蚊咋，真係抵到爛！講真，佢其實只係浸熟左隻雞，上碟時加D豉油畀你點黎食，冇乜功夫，所以都唔敢話好好味，不過平到咁，大大隻D肉都相當滑，絕對收貨啦！
我地隨後叫左個京都骨，$78蚊比較細碟，不過配埋蜜桃汁都幾好味架，D骨炸得夠香口~
跟手又叫左個菜($68)，淡淡地清清地，不過不失啦，冇咩特別...
再叫多個金菇肥牛煲，除左金菇仲有唔少芽菜同粉絲，肥牛一D都唔肥，不過正好適合女士食！整得好香而且都幾大煲架，$78呢個好味道兼抵食~
食到咁上下，決定再叫多一隻一蚊雞！好過叫飯食囉，白飯都成10蚊碗，成隻雞先至收你$1...
我地每人加$8可以享“自助吧”優惠，全晚免費享用各式飲品甜品同醬料！我地乘機自製左幾款辣醬，仲加左D炸蒜香蔥落D雞度，等D雞唔駛咁寡，哈哈！大家不妨試下，好食好多！佢個自助吧有各式汽水、雪梨茶、酸梅湯、熱杏霜、芋頭西米露、陳皮紅豆沙、黑芝麻糊...熱杏霜好好飲，三款甜品都夠香又唔會太甜，呢$8加得抵囉~！
全晚侍應服務態度都唔錯，雖然人多但唔會話覺得好逼，上菜亦快，我覺得唔錯！可能因為荃灣西人流較少，所以服務同食物水準都比較高，好過我之前幫襯的葵芳分店好多呢~張貼
