影片
更多
2018-07-03
2768 瀏覽
5大3小去完動植物公園就過隔離香港公園食飯叫咗一個6人餐- 沙田柚沙律（我第一次食，之前一路都係食開青木瓜沙律。佢撈埋個汁咸咸地，有啲花生同蝦米仔，幾得意）- 泰式菜脯肉碎炒蛋（蛋煎得夠香口，配飯啱啱好）- 拼盤（上菜望見覺得好醜樣，不味道係唔錯，由其係單骨雞翼，5分鐘搶曬）- 冬蔭公（香港版冬蔭公，無正宗泰版咁濃郁，男人們話偏酸，不過我自己幾鐘意）- 綠咖哩雞柳（好香椰味，唔太辣，啲汁撈飯正，不過雞肉唔夠滑）- 京都豬柳（我個人唔鐘意呢種汁，所以冇食，不過其他人就讚呢個好好味）- 豆醬炒通菜（好味，有鑊氣）- 白飯- 泰式甜品拼盤（有驚喜，唔過甜，三款都好味）另外加餸：- 天椒干炒羊肉（一啲都唔膻，微辣，幾野味）- 明太子玉子燒（好好味，最怕太甜嘅玉子，佢唔係，抵讚）- 豬，牛，雞串燒（要咗一打，一陣就比人食曬，個沙嗲醬好過好多地方）- 酸辣鳳爪沙律（我覺得可再酸啲）- 湄南肉碎包（濕濕地，我覺得撈飯正過包生菜，包生菜我自己鐘意食乾身啲）- Lemon refresh（好清新，好好飲，連小朋友都好鐘意）- 芒果糯米飯（係我鐘意嘅暖椰漿，芒果又甜，好味）*環境好舒服，我地自成一角，有
叫咗一個6人餐
- 沙田柚沙律（我第一次食，之前一路都係食開青木瓜沙律。佢撈埋個汁咸咸地，有啲花生同蝦米仔，幾得意）
- 泰式菜脯肉碎炒蛋（蛋煎得夠香口，配飯啱啱好）
- 拼盤（上菜望見覺得好醜樣，不味道係唔錯，由其係單骨雞翼，5分鐘搶曬）
- 冬蔭公（香港版冬蔭公，無正宗泰版咁濃郁，男人們話偏酸，不過我自己幾鐘意）
- 綠咖哩雞柳（好香椰味，唔太辣，啲汁撈飯正，不過雞肉唔夠滑）
- 京都豬柳（我個人唔鐘意呢種汁，所以冇食，不過其他人就讚呢個好好味）
- 豆醬炒通菜（好味，有鑊氣）
- 白飯
- 泰式甜品拼盤（有驚喜，唔過甜，三款都好味）
另外加餸：
- 天椒干炒羊肉（一啲都唔膻，微辣，幾野味）
- 明太子玉子燒（好好味，最怕太甜嘅玉子，佢唔係，抵讚）
- 豬，牛，雞串燒（要咗一打，一陣就比人食曬，個沙嗲醬好過好多地方）
- 酸辣鳳爪沙律（我覺得可再酸啲）
- 湄南肉碎包（濕濕地，我覺得撈飯正過包生菜，包生菜我自己鐘意食乾身啲）
- Lemon refresh（好清新，好好飲，連小朋友都好鐘意）
- 芒果糯米飯（係我鐘意嘅暖椰漿，芒果又甜，好味）
*環境好舒服，我地自成一角，有小朋友都唔怕嘈親人
*對鐘意食正宗泰式嘅人黎講（即係我）應該會覺得清淡咗啲，不過食開港式泰菜（即係我啲fds）佢地就覺得好味
*服務態度唔錯，始終我地有小朋友論盡啲，不過侍應好好人，叫咗幾轉行黎行去都好肯幫手
*Btw餐廳有聾啞人士擔任侍應，要比多少少時間去解釋你需要乜野，如果係心急嘅就搵返健全人士幫你，唔好難為人地，佢地比健全工作者更值得尊重（因為當晚我見到有人叫佢地幫手攞野，佢地表示佢地唔識聽，果位客人講咗啲好冇禮貌嘅說話）
張貼
