怒茶巷 (已結業)

呢日同朋友嚟到葵廣行街，葵廣手搖鋪真係多到眼花撩亂，行到嚟三樓摩登世界個頭，就俾呢間隱世啲嘅鋪頭吸引咗。佢冇好花巧有好多gimmick嘅產品，都係有普遍嘅純茶同芝士奶蓋咁。我同朋友分別叫咗杯芝士四季春同黑糖珍珠鮮奶。先講我個杯四季春，我係叫咗無糖嘅，所以更加飲到茶底嘅甘醇，而面頭嘅芝士奶蓋都好濃厚，係飲落鹹鹹甜甜嘅濃郁芝士味，唔係有啲鋪頭嘅奶粉奶蓋，我好喜歡💕配上清新嘅四季春，飲落唔會膩！朋友個杯黑糖珍珠鮮奶飲落都好香滑，鋪頭用咗奶味重嘅鮮奶，雖然係黑糖飲唔冇得轉甜度，以我平時飲嘢會走開糖嚟講飲落都唔會好甜，而且珍珠都好煙韌，唔會一pat嘢咁。呢間鋪頭雖然少啲人提，但絕對有驚喜，價錢都比較適中，值得去懲罰懲罰💛