覓食家

營業中

休息中

見某傳媒同網評都好評嘅小店，一場黎到元朗緊係要朝聖吓！位置都算易搵，午飯時間黎到都係等10分鐘內就有位！ 黎得小店都預咗冇服務，環境擠迫，一坐低阿姨就即刻想幫你落單，但佢渾渾噩噩咁，差啲落錯單，真係扣晒分，好彩朋友仔醒目叫住佢！黎得呢度梗係叫返個招牌炸雞脾飯，加隻蛋跟熱飲都只係$42，算抵食，size都同雜誌報導差不多，絕冇欺場！不過其實佢將雞脾開邊炸，賣相的確呃like，但都係一隻正常size嘅雞脾，整體上無啲報導吹捧到咁神級！啲皮夠脆，多肉汁，但唔夠入味。另外叫咗個瑞士雞翼飯，都有驚喜，都幾入味！不過叫少飯都無少飯過，結果一半都食唔到！做左大徙鬼喔