鼎皇臭臭鍋 (已結業)

朋友話去食臭臭鍋, 自問唔太食呢類食物既我, 都想去試下既, 話晒成日經過都見到好多人係門口等位, 經過都會有好香同濃郁既味道, 一於入去試下吧!   由於我地六點入去食早飯, 所以好好彩唔洗等位就入得喇!我地先落單飲杯野, 再慢慢揀想食D咩款式先~先ORDER杯MENU上有推介既奶茶, 茶味濃.  再有紅棗桂圓杞子茶, 眼見入面都幾足料.原來同行朋友都唔太食臭臭鍋 =.=  咁我地就叫左兩個正常D既鍋.  我好鍾意食藥善湯底就叫左個養生四物鍋.  湯底好香好濃, 一路食我一路飲佢既湯, 好好味啊.  個鍋其實清清地, 豆腐貢丸冬菇雞脾肉等等, 鍋底仲有好多娃娃菜.另一個係蕃茄黑豚肉鍋, 茄湯底好香啊.  豚肉份量好足夠, 好味~ 一樣係好多菜係底, 俾到我其實都係好健康既感覺.今次算係分享個去臭臭鍋專門店, 唔食臭臭鍋既體 =P 其實都一樣有多野食架!