影片
更多
2021-09-24
1269 瀏覽
咁岩去開呢邊，過嚟搵食。第一次嚟石門，原來個商場有無數既食店，太多太多既選擇。呢度地方大，都坐得舒服。我嚟既時間12點幾，唔需要等位。約1點都見到好多上班族同媽媽帶小朋友嚟食午餐。午餐兩份，牛扒$188，豬扒$168。餐湯及餐包要另加$15，即磨咖啡加$15，另收加一南瓜甘筍餐湯，味道一般，餐包上枱仲脆口牛扒六成熟，味道普普通通，個肉質都可以，薯條熱既，燒汁偏淡（我個人食得較濃味），一件扒茄子一件扒脆玉瓜，兩大粒車厘茄。豬扒亦一樣，味道同肉質都係可以，唔算特別好，以價錢評論。件扒都ok大件。凍cappucino中規中矩，杯餐飲菠蘿味阿奇籽飲品就唔太岩我口味。另外有意粉，意大利飯等等，見到隔離枱既牛柳絲意粉同半熟吞拿魚意粉賣相都唔錯。意粉大約$88左右，如果加埋餐湯及普通凍飲，再加一都要$120。兩個人今餐食左$450，食物質數合理，但味道就一般，如果收得呢價錢，對味道方面期望會高d, 而今餐只係覺得冇乜特別。
第一次嚟石門，原來個商場有無數既食店，太多太多既選擇。
呢度地方大，都坐得舒服。我嚟既時間12點幾，唔需要等位。約1點都見到好多上班族同媽媽帶小朋友嚟食午餐。
午餐兩份，牛扒$188，豬扒$168。
餐湯及餐包要另加$15，即磨咖啡加$15，另收加一
南瓜甘筍餐湯，味道一般，餐包上枱仲脆口
牛扒六成熟，味道普普通通，個肉質都可以，薯條熱既，燒汁偏淡（我個人食得較濃味），一件扒茄子一件扒脆玉瓜，兩大粒車厘茄。
豬扒亦一樣，味道同肉質都係可以，唔算特別好，以價錢評論。件扒都ok大件。
凍cappucino中規中矩，杯餐飲菠蘿味阿奇籽飲品就唔太岩我口味。
另外有意粉，意大利飯等等，見到隔離枱既牛柳絲意粉同半熟吞拿魚意粉賣相都唔錯。意粉大約$88左右，如果加埋餐湯及普通凍飲，再加一都要$120。
兩個人今餐食左$450，食物質數合理，但味道就一般，如果收得呢價錢，對味道方面期望會高d, 而今餐只係覺得冇乜特別。
張貼
