SAYAM Thai/Bar (已結業)

新派泰國fusion菜🇹🇭門面以清新藍色同盆栽襯托，帶少少北歐風格，內在裝橫時尚摩登，環境舒適，座位寬闊，sofa窗邊位坐得好舒服，靜靜地可以同朋友傾到計，我地兩個人叫咗四款菜式。青咖喱雞雞扒係同咖喱係分開上，仲連埋薄餅。燒雞扒皮脆有肉汁，青咖喱香濃惹味，啱晒唔食得辣嘅朋友，配飯或薄餅食勁match。串燒鱔令我一試愛上，肥美厚切，燒得好香脆，再配埋泰式醬汁簡直一流，仲有少少辣辣地。另外必食嘅泰國菜一定係黑毛豬頸肉同馬拉盞炒通菜。