越翠苑

營業中

休息中

睇到良心店介紹，專程黎食，晚市黎到唔洗排就有位。少食越南菜，睇圖以為蟹膏檬粉有真蟹膏，所以黎到見到類似蒸蛋咁樣係有少少失望，但一試個湯底就完全收服左我。 湯底係鮮蕃茄味，仲有大大個原個蕃茄，清新又香甜，配檬粉好夾。 另有扎肉、豆卜、豬紅好足料，越式蟹膏其實味道都唔錯，有淡淡蛋味，下次會再叫。吹波雞髀飯成個組合係好抵，足足有兩隻雞脾，略嫌炸得比較乾，但味道係正既，黃薑飯亦粒粒分明。豬扒法包超有驚喜，首先法包鬆脆絕對唔硬，餡料口感味道都好有層次，以醃蘿蔔為主，間或食到少少惹味既豬扒，完全食唔停口。 住附近會想日日買黎做早餐，必須要叫份大既先夠喉。