馬家莊清真館 (已搬遷) 新店位置

同朋友A小姐係羊痴、唔知何時迷上羊、尤其羊架！可惜、身邊鐘意食羊既朋友唔多每次同朋友出街、都要就大眾口味、無得食！終於等到今次、另外兩位朋友唔得閒黎、我們就趁機擦餐勁既 本來想再光顧另一間食羊好正既、點知朋友話想食新野甘我就推介呢間啦！見到甘多好評！再睇下食評、原來呢間餐廳同聲名大躁既清真牛肉館有關係、甘質素應該有番甘上下啦！去到見到門口有堆人、心諗：慘！唔係要等呀嘛、已經八半、餓到癲！好彩！有些係拎外賣、有些係大堆人等大枱、所以我們唔洗等就有位喇！不過要搭枱囉！基本上係無二人位不過呢d餐廳係甘嫁喇！唔會俾你慢慢嘆、好正常！我們兩人叫左兩樣野：1. 必吃羊肉餡餅超正超正！食緊果陣已經想叫多個、完全唔夠喉！食前好小心、想唔俾d汁漏出黎、但唔知點解一夾起就個餅底穿左、我只好用匙羹筆翻黎飲羊肉完全唔蘇！仲好juicy食緊果陣真係感覺好幸福啊！2. 羊腩煲羊腩又肥又多、我們兩個女仔都食唔晒！當然人一多就覺得淨得幾舊羊、好少甘！不過我覺得辣左點！唔鐘意辣到不停要飲水、又急急腳吞左唔趙多幾下、等於唔係好食到個味既感覺！我們本來想吃多樣野、所以齋叫菜唔想叫麵飯！點知試左一淡、忍唔住。。。兩碗白飯丫