正宗上海生煎皇 (已結業)

路經深水埗，見到呢間舖頭門口都几多人排隊，剛好又想食生煎包同小籠包，決定試下佢。由於我唔想排隊等位，我叫了外賣。到付款處落單俾錢後，還需等10多分鐘，應該係即叫即整。外賣收到後熱辣辣，立即飛奔回家開餐。我叫咗一客生煎包(4隻)另加一客4隻的小籠包。生煎包 - 包皮較外面餐廳的較厚，但包中包有濃濃的肉汁，好味!小籠包 - 同樣肉汁濃郁，皮薄，味道不過不失。不過本人較為欣賞生煎包。由於是外賣關係已有心理準備食物水準未必理想。可是食物仍带給我驚喜。