Panda Japanese Homestyle Curry (已結業)

很久沒走入大坑，發現多了很多食肆感覺很多食店都很有型。一行四人走過panda, 見到飛天熊貓，可惜我不喜歡咖哩，但女朋友話要試試，細睇menu發現有很多咖哩以外食物，好啦決定一試。最後叫咗明太子溫泉蛋蝦沙律，咖哩牛肉飯，本菇飯團茶漬飯，同埋凍烏東。先講明太子溫泉蛋蝦沙律，唔知點解呢幾樣嘢mix埋令我咁鍾意，個個食完都讚好味。跟住上咗凍烏東，自己加甜豉油，感覺好清新，我諗夏天食仲開心，讚！！再上茶漬飯，又係自己落日本茶，我喺日本食過，香港真係好少見，啲有味菇有抹茶溝暈，我哋四個好似唔夠分，哈哈之後咖哩牛肉飯即上，無乜興趣，但其他三位邊食邊讚話好少食到咁好食嘅咖哩，忍唔住試下，又確實估你唔到我都覺得好食，啲牛肉應該係牛扒或者叫牛肉厚切，咖哩出奇地好味，好多層次，我哋揀中辣，啱啱好，激讚 下次可以再試其他喎！！！個肚full咗8成，叫埋甜品應該啱啱好啦，叫咗店中人氣no.1嘅蛋布丁，點知真係好袖珍，不過都好好味，如果蛋大啲我覺得呢餐就好完滿囉!!!! 不過我一定會再嚟，因為仲有好多嘢想試呀!! 激讚!!!! 埋單後侍應仲送咗個熊貓鎖匙套比我哋，當然比我女朋友搶咗啦...........