影片
更多
2020-02-05
20 瀏覽
從「舌尖上的中國2」重點推介嘅重慶火鍋店，知道《渝味曉宇》非常有名，係重慶老火鍋五十強。今晚跟幾位嗜麻辣嘅好友試下有幾強先。我哋叫左鴛鴦鍋—皮蛋香菜拼麻辣大紅鍋。聽侍應哥哥講述，紅湯係經辣椒、花椒、牛油、豆瓣、老薑熬製㗎，係麻辣火鍋底裏面嘅精華所在，我哋揀左普通辣，性質較溫和，好適合香港人口味。呢間重慶火鍋店好有特色，唔同港式火鍋店，只有麻油、生蒜蓉、蔥花等調味料，可能想食客品嚐到最正宗香濃嘅麻辣風味。我好鍾意香蒜麻油嘅香味，當食材點上麻油之後，質感更香滑，食到濃郁嘅麻辣味之外，以及火鍋配料嘅真正鮮味。入座時侍應會每人先送一碗冰糖雪耳糖水，係食店嘅傳統。其實老闆真係好貼心，因為麻辣會刺激腸胃，先用冰糖雪耳糖水滋潤一番，再食麻辣，咁樣就能大大減低左麻辣對腸胃嘅刺激，呢個真係值得讚賞。火鍋配料方面十分多元化，大部份也設全份或半份選擇，好有彈性。 重點推介當然係稻田毛肚、鴨血、鮮黃喉、鮮鵝腸、大刀豬腰片、耗兒魚、曉宇苕粉、現炸豆皮、重慶炸酥肉等等。我本身好想好想食嘅毛肚，好無奈地⋯已經售罄了，只好留待下次再試！以下想重點介紹一下我最中意嘅幾項配料：現炸豆皮其實有D似炸響鈴，炸豆皮比響鈴更薄更
我哋叫左鴛鴦鍋—皮蛋香菜拼麻辣大紅鍋。聽侍應哥哥講述，紅湯係經辣椒、花椒、牛油、豆瓣、老薑熬製㗎，係麻辣火鍋底裏面嘅精華所在，我哋揀左普通辣，性質較溫和，好適合香港人口味。
呢間重慶火鍋店好有特色，唔同港式火鍋店，只有麻油、生蒜蓉、蔥花等調味料，
可能想食客品嚐到最正宗香濃嘅麻辣風味。我好鍾意香蒜麻油嘅香味，當食材點上麻油之後，質感更香滑，食到濃郁嘅麻辣味之外，以及火鍋配料嘅真正鮮味。
入座時侍應會每人先送一碗冰糖雪耳糖水，係食店嘅傳統。其實老闆真係好貼心，因為麻辣會刺激腸胃，先用冰糖雪耳糖水滋潤一番，再食麻辣，咁樣就能大大減低左麻辣對腸胃嘅刺激，呢個真係值得讚賞。
火鍋配料方面十分多元化，大部份也設全份或半份選擇，好有彈性。 重點推介當然係稻田毛肚、鴨血、鮮黃喉、鮮鵝腸、大刀豬腰片、耗兒魚、曉宇苕粉、現炸豆皮、重慶炸酥肉等等。我本身好想好想食嘅毛肚，好無奈地⋯已經售罄了，只好留待下次再試！
以下想重點介紹一下我最中意嘅幾項配料：
現炸豆皮
其實有D似炸響鈴，炸豆皮比響鈴更薄更脆。即叫即炸，上枱時仲熱辣辣㗎！豆皮薄身香脆，浸入麻辣湯內涮一分鐘就可以食。夾著麻辣香，簡直齒頰留香。
鮮鵝腸
鵝腸帶小量油脂，切得好薄，洗得好乾淨，記得唔好涮多過15秒，微微捲曲就食得。入口滑溜，咬落爽口彈牙。鵝腸份量都多，質素非常好，一定要試呀。
鮮龍躉片
每片都好厚，肉質雪白嫩滑，又唔多骨，口感鮮甜彈牙。浸落皮蛋香菜湯好正，食到個鮮味。
曉宇苕粉
似平時我哋食開嘅紅薯粉，食落去煙韌彈牙，晶瑩通透，又唔容易斷和散，最重要吸湯一流，連同麻辣湯慢慢入口，香辣刺激，千祈唔好錯過，必吃！
另外，我哋點左自家製嘅洛神花茶，飲落好似酸梅湯，解辣又解膩，因為酸酸地嘅關係，愈飲愈開胃。
總括而言，「渝味曉宇」自製嘅大紅湯醇香，令人一試難忘。以後食麻辣，唔一定要北上喇，香港都食到重慶嘅水準啦！
張貼
