影片
更多
2020-03-24
8 瀏覽
同朋友好想食仼食雞煲又想打邊爐於是就搵咗呢一間位於旺角嘅二頭鍋，行完街就可以嚟食好方便。一嚟到店員快就安排左個卡位俾我哋，環境舒服，乾淨衛生，然後店員介紹翻有得選擇雞煲或者鴨煲，鴨煲係外邊真係好少見，但因為同行朋友唔鍾意食鴨所以我哋就選擇咗雞煲，根據個人口味可以選擇辣度，我哋今次就揀咗小小辣。不久，店員好快為我哋送上雞煲同醬料，雞煲裏面除咗有雞件之外仲有好入味嘅雞腳，愈食愈惹味，店員見我哋好似唔夠喉，問我哋要唔要加雞 哈哈😄好貼心既服務！食完兩輪嘅雞，就有8款嘅湯底俾你選擇，如果係六個人以上就可以選擇鴛鴦。我哋得四個人所以我哋就選擇咗蕃茄薯仔湯。而order紙上都好清晰寫明上半part係需要額外比錢，下半part係可以可以仼點。野食都五花百門，我地點左魷魚，肥牛，海蝦，花枝片，牛栢葉，豬頸肉等等，份量十足，而且新鮮。除此之外，自助區有超過10款嘅配菜俾你選擇，例如有炸魚皮，生菜，烏冬，芝士，腸午餐肉等等，每一款都係打邊爐必備。至於野飲方面，除了有汽水，啤酒之外，還有五款既鴻福堂健康飲料，例如百香果蜜同竹蔗茅根等。食飽飽後，當然唔少得黎個甜品，有常見嘅雀巢雪糕，都有好少見嘅榴槤雪條同黑糯
張貼
