譚仔雲南米線 (大本型)

營業中

休息中

其實我已經去過數之不盡咁多次，今日路過大本營又再食。今次點左腩肉墨丸清湯，因為本人好唔食得辣，但唔知點解食落都係有小小麻辣味。先講下個湯，味道鮮甜，咸味適中，令人回味無窮，一飲就唔停得口。其次係腩肉，本身已經有小小咸咸地，食落口感好好，一層肥肉一層瘦肉，兩者混合互補不足。再者，墨丸有四大粒，粒粒都爽口彈牙，里面仲有好多細細塊既墨魚肉，感覺好充實，好足料。最後係個米線，份量好多，自問唔大食既人最好叫少米，而米線表面很滑，咬落去有小小韌性，配搭埋其他餸，口感異常地豐富。