東海堂 (宇晴匯)

營業中

休息中

一到過年，就收到啲朋友、親友所送嘅賀年糕點，年年如是，無一例外，故先多謝朋友及親友嘅厚愛。今年所收到嘅糕點，可歸納為嚟自4家餐廳或餅點，分4篇嚟評論吓，依一篇分享嘅喺東海堂嘅兩款糕點：北海道元貝蘿蔔糕及紫薯黑糖年糕，先講講前者。北海道元貝蘿蔔糕，我估底糕嘅賣點都喺話用咗北海道元貝，用日本食材一向喺東海堂嘅作風。其實無論糕面，定糕身，瑤柱都喺多，大多數都喺臘腸同蝦米，糕身亦比較削，煎起嚟都易爛，同埋加咗唔少添加劑，食完有少少口渴感。至於紫薯黑糖年糕，紫薯配黑糖，喺比較期待，外觀有啲似紅豆糕，簡單嚟講，只喺一般嘅年糕加入啲紫薯粒。煎好嘅年糕頗軟、頗黏，加入糖嘅成份應該幾多，中火煎無耐就好易變焦黑，而且，紫薯加得唔多，食味真喺無乜。東海堂出品嘅甜點一向都頗有水準，而其出品嘅賀年糕點，以前亦曾品嚐過，不過，今次所試嘅兩款糕都喺一般般。