影片
更多
2019-02-18
352 瀏覽
之前考左個試，今日終於出左成績，竟然合格，男胖子就帶我黎食牛陣大肆慶祝。晚餐時間超級多人，要等幾個字先有位。店員介紹新出嘅正宗壽喜燒，見咁吸引就試試。黑毛和牛之前有食過，但自己燒就係第一次。平時打邊爐嘅鍋換左做平底鑊，店員用肥膏同洋蔥先起鍋，一落和牛就超香，好多吱吱喳喳聲，旁邊食客都看得目瞪口呆，十足十喺屋企炒餸咁。個牛肉燒2秒就可以倒入壽喜燒醬油，之後再點生雞蛋食，好滿足呀！不過對於兩個不善於下廚嘅人，整呢個壽喜燒會有啲手忙腳亂，唔記得熄火就會整燶隻鑊，意外頻生。燒左陣我地就放棄，加入鏗魚湯食返熟悉嘅火鍋。食完咁多肉，落哂啲菜黎食先，呢度有少見嘅冰菜同羽衣甘藍，食完非常滿足！
晚餐時間超級多人，要等幾個字先有位。
店員介紹新出嘅正宗壽喜燒，見咁吸引就試試。
黑毛和牛之前有食過，但自己燒就係第一次。
平時打邊爐嘅鍋換左做平底鑊，店員用肥膏同洋蔥先起鍋，一落和牛就超香，好多吱吱喳喳聲，旁邊食客都看得目瞪口呆，十足十喺屋企炒餸咁。個牛肉燒2秒就可以倒入壽喜燒醬油，之後再點生雞蛋食，好滿足呀！不過對於兩個不善於下廚嘅人，整呢個壽喜燒會有啲手忙腳亂，唔記得熄火就會整燶隻鑊，意外頻生。
燒左陣我地就放棄，加入鏗魚湯食返熟悉嘅火鍋。
食完咁多肉，落哂啲菜黎食先，呢度有少見嘅冰菜同羽衣甘藍，食完非常滿足！
張貼
