魔麵 (已結業)

開咗一排都冇去過終於有一晚同女朋友試下。好早去到唔使等位，叫咗味魔，豚魔，紫薯金栗餅（個名咁上下），煎蛋卷。豚魔湯底非常之咁好飲，有香濃豚骨味而且不太膠，飲得出個湯底用咗好多時間同心機煲。塊叉燒亦美味，肥瘦適中而香淋，油脂在口腔散出來再加一啖湯真係冇得頂！！我叫了硬麵但覺得和淋麵反別不大，拉麵味道亦好，有淡淡麥香。味魔味較淡，但也着實不錯。個人非常欣賞紫薯金栗餅，以日本紫蕃薯加粒粒栗子製成再下油炸。食落不油膩，脆脆的外層加上香軟甜糯紫蕃薯同栗子個配搭真係好正。煎蛋卷不過不失，下次一定會再試其他野。一間值得再去的好店。