喜双逢 (已結業)

今日，星期六，放工四個人去喜雙逢食點心。之前有同事平日午飯飲完茶返黎，打包咗d杏汁包同蛋散俾我食，都覺得幾好。睇咗d食評，普遍都話唔多好，都驚有咩閃失架，但去開既皇上皇水準又下降，唯有搏一搏啦。為咗個杏汁包，都想帶朋友去食下。一入門口，見到中式卡座，十分討喜，陳設充滿中國味道，檯亦不太擠。有不少外籍人客，包括我自己的一檯。我們所點食物如下：燒腩仔（皮脆肉滑、暖笠笠）油菜（是真正的菜遠）叉燒包（一般貨色，略細）蝦餃（比一般大隻，裏面有三只完整既大蝦）煎腸粉（色澤味道俱全）素粉果（皮薄餡靚）鳳爪（無甚驚喜）煎腐皮卷（一般）竽絲春卷（一般）杏汁包蛋散侍應勤換碟，所有食物熱度都夠，味道正常。只是茶太淡，沖第二泡已經無味。上菜時侍應亦懂先咨詢甜食點心是否後上（即落單紙上指的叫起）。到大家食到差不多時，亦有侍應問可否現在上甜點？然後撤去無謂碟子蒸籠等才上甜點，但如果他們懂得換過一雙新筷子就更好。