LM Cafe (已結業)

昨晚，放左工約埋幾個朋友仔來到呢間Cafe，因為呢度環境唔錯，好舒服，同埋食過一次D西餐OK。真係好肚餓，叫左個西式西冷拼香草腸，淋上洋蔥汁，西冷都幾大塊，唔係頂級，但好有牛味，都JUICY，五成熟夠OK 唔韌。香草腸食唔出香草咁，但都好好食。呢個配羅宋湯，夠Match，個湯好多蔬菜味，蕃茄味亦濃，好多菜係入面，真材實料，成功!黑松露薯原來唔係洒上黑松露啊，D黑松露係沙律醬度，食落好過癮，薯條夠大條，咁先有口感，薯味不俗，不過點沙津醬會幾"樓"下。另外我地個個愛紅豆冰，入面有雪糕的，但唔係好甜，紅豆夠多咁，好正。再來海龍套餐，有魷魚、吉列蝦、炸魚咁，加埋D香辣咖喱汁，呢個好好食，個咖喱汁夠晒香，成功！還有黑松露炒蛋多士，個蛋好嫩滑，又有黑松露香味，個包唔係太厚，多士香脆，好味道。黑松露蘑菇意粉，個汁幾好味道，D意粉煮得夠爽口，但吸到汁，唔肥膩好清新。甜品係朱古力窩夫，唔係好甜，朱古力味不算大濃，但配埋朱古力雪糕食更為好吃，反而太濃朱古力味唔好食。呢餐真係好飽下，味道ok，我地hea 了3小時啊。