影片
更多
2011-05-27
53 瀏覽
本人與朋友好日都唔會去沙田 , 昨天諗住去行吓食個 tea , 點知咁唔夠運 , 揀咗呢間”筍”嘢 , 外表睇嚟正常 , 點知入咗間惡人谷。原先侍應叫我哋坐入面嘅枱 , 後來老闆說員工用膳 , 要我哋坐在門口傍邊嘅枱 , 跟住我哋入來的另外兩位客人 , 又係咁嘅情況 (既然要用膳唔俾人坐 , 倒不如關門唔接生意) , 咁都算了, 接住女侍應放低餐牌不久 , 便催我哋落單 , 我哋話等一陣 , 但佢轉個頭又走嚟催我哋 , 好似好趕咁 , 我哋都乖乖照落單。之後侍應放低兩份餐具 , 我們便清洗餐具 , 跟住老闆便大發雷霆 , 兇神惡殺走嚟對我哋說︰『我 D 餐具已經消毒 , 唔洗再洗 , 你當我呢度係大排檔吖 ? 你咁洗法影衰我呀 ! 』我哋真莫名其妙 , 沒有理會他 , 餐具照插在杯裡 , 跟住食物來到 , 因我們只需用一份餐具 , 所以仍有一份插在杯子裡 , 之後老闆便大大聲叫侍應 , 把插在杯子裡的一份餐具攞走, 話擺喺度好肉酸、好難睇、影衰佢 , 仲不停咀兼好不滿咁 , 話我哋當佢大排檔 , 跟住我哋終於忍唔住問佢乜嘢態度 , 我哋話洗筷子係個人喜好 , 佢又再話我哋影衰佢
原先侍應叫我哋坐入面嘅枱 , 後來老闆說員工用膳 , 要我哋坐在門口傍邊嘅枱 , 跟住我哋入來的另外兩位客人 , 又係咁嘅情況 (既然要用膳唔俾人坐 , 倒不如關門唔接生意) , 咁都算了, 接住女侍應放低餐牌不久 , 便催我哋落單 , 我哋話等一陣 , 但佢轉個頭又走嚟催我哋 , 好似好趕咁 , 我哋都乖乖照落單。之後侍應放低兩份餐具 , 我們便清洗餐具 , 跟住老闆便大發雷霆 , 兇神惡殺走嚟對我哋說︰『我 D 餐具已經消毒 , 唔洗再洗 , 你當我呢度係大排檔吖 ? 你咁洗法影衰我呀 ! 』我哋真莫名其妙 , 沒有理會他 , 餐具照插在杯裡 , 跟住食物來到 , 因我們只需用一份餐具 , 所以仍有一份插在杯子裡 , 之後老闆便大大聲叫侍應 , 把插在杯子裡的一份餐具攞走, 話擺喺度好肉酸、好難睇、影衰佢 , 仲不停咀兼好不滿咁 , 話我哋當佢大排檔 , 跟住我哋終於忍唔住問佢乜嘢態度 , 我哋話洗筷子係個人喜好 , 佢又再話我哋影衰佢 , 咁我哋咪問佢︰『你咁嘅態度點做生意 』, 跟住佢就好唔志在咁答︰『你咪走囉 , 唔好食囉 , 我唔做你哋生意』 , 當時我只係啱啱食咗半啖麵 ( 味道只係一般 , 我响超市買個即食麵返屋企煮 , 都好味架啦 ), 我朋友乜都未食過 , 既然人哋話唔做我哋生意 , 咁我哋咪起身走囉 , 跟住佢仲好意思叫我哋俾錢 , 咁我哋都冇同佢計較 , 照俾錢 , 不過就一肚氣咁走。
真係唔明點解洗吓筷子都俾人鬧 , 佢話我哋洗筷子影衰佢 , 咁佢自己响大庭廣眾鬧 D 客人咪仲影衰佢間茶餐廳。諗住嚟幫襯 , 俾錢佢賺 , 都要俾人鬧到一面屁 , 最後嘢都冇食過 , 錢又要照俾 , 得到嘅只係一肚氣 , 呢間咁嘅”筍”嘢 , 你會唔會去呢?
張貼