Bugis@叻沙・海南雞飯 (已結業)

約咗朋友去玩於是喺 V city度搵食， 一心諗住 睇個牌頭都唔會太差， 點知就中伏了，海南雞尚算可以，但個油飯一D都唔香， 連點雞醬都完全唔好味，個餐湯件冬瓜好似生咁，印尼炒飯尚可，但啲串燒完全唔掂個沙嗲醬啲味好怪。小食白雲鳳爪只係得蒜蓉味又唔辣，好似只係放D蒜蓉醬去撈咁，個油鬆餅可以話係極差，我諗任何一個人去超市買現成煎完都好過佢， 諗住加28蚊試下佢個水果茶，結果係…………，我諗去一般台式飲品店買的一定會好味過佢！ 如果以呢個價錢我諗應該可以搵到啲比佢好味嘅午餐！