喜運點心專門店 (已結業)

一間很貼心的點心專門店。先講食物，唔花巧，唔造作，點心賣樣鮮明精緻，唔會無啦啦整個樣落個奶皇包度就賣$60一籠。味道分明，很新鮮，點心一出來蒸氣熱騰騰，還有點燙口。招牌鳳爪排骨飯，說真的，很久沒吃過這樣好吃的一盅。飯是很分明一粒一粒的，鳳爪爽腍適中，唔會腍到好似溶咗咁，排骨有肉多汁，在我們用膳的45分鐘，已從廚房出了兩大蒸籠，一籠應該有十多二十盅，小小的店子，銷量卻驚人。糯米雞是另一推介，足料好味，一隻已經可當一餐晏。蝦腸都是精緻香滑，比添X運還要高水準，其他蒸點都很有質素，唯一扣少許分的是蝦餃皮唔夠煙靭，可以蒸少一點時間就更好了。再說店子本身，裝飾當代中式簡約。跟食物一樣，唔造作。優雅舒適。重點是，店子小小，卻一點也不覺得迫，鬆動舒適，全因職員安排得宜，絕對不像附近某些餐廳，硬將六個人塞在四人卡位，或八個人迫在六人圓枱。最後要讚一吓店內上下員工，親切貼心，安排週到。從等位的一刻就以和善的笑容招呼客人，席間還會親切的問一下對他們食物的意見，不像附近一些劣質集團餐廳，價錢不便宜更要對客人狗一樣看待。令人食完晏，心情也好起來。