感覺. 素意 (已結業)

今日約了朋友去銅鑼灣 gathering，去食素，當然去素食達人新開的Vegvolution試食啦，上到去，雖然地方細細，但環境也不錯，再看看餐牌，都有好多選擇，有飯，有薄餅，有意粉，還有鵝肝呀（當然係素架啦），再看看還有小食可追加！我地看完餐單，食小食，試下水溫先，意式香酥焗釀蘑菇，蘑菇好juice及香脆，西西里小偷雞槌簡直有驚喜，好味到要encore 及炸意大利瓜也意外地美味！跟住食主餐，主餐已套餐形式，沙律，湯，主菜及甜品；我地order了西班牙藏紅花野菌意大利飯，法式香煎自家制鵝肝伴黑松露醬及羽衣甘藍無花果薄餅！先講下西班牙藏紅花野菌意大利飯，味道淸新及散發出淡淡的saffron味，喜歡淸淡的不可錯過；法式香煎自家制鵝肝伴黑松露醬，好似鵝肝樣，面也煎得香脆，但美中不足，鵝肝味道不入味，黑松露太搶；羽衣甘藍無花果薄餅，羽衣甘藍無花果出奇的夾，再加上黑醋醬，酸酸地好好味，有少少可惜的是餅底不夠脆！不過有 heart 的小店是直得支持的。