影片
更多
2023-08-14
20 瀏覽
七月時拉麵癮發作，又見OpenRice 上面一郎拉麵的好評都頗多，位置喺尖沙咀又方便，而且仲有個睇落性價比好高嘅餃子放題，便與男友結伴到一郎拉麵進食。而呢個食評係我拖到八月先寫嘅。1.服務態度一般😵💫由於係八點幾去食，舖頭入面四張大枱都有人坐緊，所以要同另一對情侶搭枱。叫完拉麵等待途中隔離嗰枱客走咗，就問服務員可唔可以調隔籬枱。因為兩對唔熟嘅情侶坐埋一齊有啲尷尬，加上筷子同埋水都係佢哋嗰邊，我哋伸手嘅時候都會打擾到佢哋，咁個位置咁逼，大家都唔方便，想調位都好合乎情理姐。點知個服務員以「一陣間都會好多人食，就算調咗位之後都係要同人搭枱」為由拒絕咗我嘅請求。加上佢就企喺我哋前面，見到我哋拎筷子同水咁唔方便都無主動幫我哋拎，淨係喺度睇，態度欠主動。😓2.味精湯底🤢本身就係因為見佢有咁多好評所以都懷着好大嘅希望去食，咁我就叫咗碗黑郎君，男友就叫咗赤郎君。飲完第一啖湯之後，我同男友即刻面有難色咁相視而笑，個笑係苦笑，大家都對呢碗嘢嘅味道心照不宣，我嘅腦海中就即刻有個直升機🚁嘅聲，因為伏伏伏伏伏，伏呀！咁我都無謂花費咁多筆墨去講佢嘅味道，因為佢就係一碗味精湯底，黑郎君仲衰過出前一丁黑蒜油味，開頭
1.服務態度一般😵💫
由於係八點幾去食，舖頭入面四張大枱都有人坐緊，所以要同另一對情侶搭枱。叫完拉麵等待途中隔離嗰枱客走咗，就問服務員可唔可以調隔籬枱。因為兩對唔熟嘅情侶坐埋一齊有啲尷尬，加上筷子同埋水都係佢哋嗰邊，我哋伸手嘅時候都會打擾到佢哋，咁個位置咁逼，大家都唔方便，想調位都好合乎情理姐。點知個服務員以「一陣間都會好多人食，就算調咗位之後都係要同人搭枱」為由拒絕咗我嘅請求。加上佢就企喺我哋前面，見到我哋拎筷子同水咁唔方便都無主動幫我哋拎，淨係喺度睇，態度欠主動。😓
2.味精湯底🤢
本身就係因為見佢有咁多好評所以都懷着好大嘅希望去食，咁我就叫咗碗黑郎君，男友就叫咗赤郎君。飲完第一啖湯之後，我同男友即刻面有難色咁相視而笑，個笑係苦笑，大家都對呢碗嘢嘅味道心照不宣，我嘅腦海中就即刻有個直升機🚁嘅聲，因為伏伏伏伏伏，伏呀！咁我都無謂花費咁多筆墨去講佢嘅味道，因為佢就係一碗味精湯底，黑郎君仲衰過出前一丁黑蒜油味，開頭有少少黑蒜味，之後都好似飲緊水咁，毫無層次感可言。而男友叫嘅赤郎君係好過黑郎君少少嘅，但只係少少囉，辣又唔係真係好辣，食完都唔知自己食咗啲乜，都係味精湯，麵條就同你平時喺超市可以買嘅嗰啲差唔多。
3.抵食餃子放題？🥟
見佢餃子放題好似好抵都係我哋其中一個去食嘅原因。餃子質素不過不失啦，放題係抵食嘅，味道都好過拉麵嘅。但係食完之後我喺度諗，點解一間拉麵店要攞餃子放題來做噱頭，係咪佢都知道自己嘅拉麵真係好難食？🤔而一間拉麵店嘅餃子仲好食過拉麵，咁不如改名叫一郎餃子算啦。
總而言之食完之後我唔會再亂咁喺香港度搵拉麵食，都係食返之前食開嘅嗰幾間好過，完全唔知點解可以有咁多好評，唔知部份好評係點嚟嘅呢？😄對拉麵質素有要求嘅大家都無謂花費時間金錢去呢間嘢度食。🫣
張貼
