海魂燒 (已結業)

按原定訂枱時間7點左右到店食晚餐，頭個半鐘都還好啲，野食上得快而且水準都唔錯嘅...冇諗到惡夢嘅開始係8點黎到，近門口張大枱一到步就起勢飲酒，飲都唔係問題飲完有冇酒品先重要，講粗口嘅講粗口食煙嘅食煙，喂！大佬你當我地啲客人死曬，店員已經盡力阻止，佢地又擺曬款唔聽🤦🏻‍♂️臨買單嗰枱仲要嘔到成地都係，真係難為啲店員又要服侍佢地又要做其他工作...若有下次死都會打比店員問左有冇位先會諗去唔去，再遇到啲咁嘅客人同店食飯，真係食多一個鐘都冇曬啲細胞😔哩條魚雖然慢但味道總算ok...全晚最滿意係佢，話係用慢火燒所以慢啲不過就係因為咁所以啲肉好滑👍🏻係味被環境影響心情嘅時候都覺得佢好好味👍🏻多汁冇沙可推介大家試試如果比我真係讚嘅話一定係服務員的服務，啲客黑曬面都仲可以咁好EQ，真係覺得佢地好可憐明明講粗口係店食煙嘔到成地都唔係佢地，但佢地要受曬咁多個客嘅投訴。