La Parole (已搬遷) 新店位置

昨日同個朋友仔去左青衣城黎到La Parole食lunch. 呢到面向青衣海, 環境令你感到很fresh, 服務好有5星級酒店水準, 食物都很不錯.我地叫左個set lunch, 有自助頭盤, 餐湯, 餐包加主菜甜品咖啡茶. 先講個自助salad bar, 有potato salad, 新鮮雜菜, smoked salmon, 蝦呀咁, 啲食物好新鮮, 絶不欺場. 跟住個餐湯係南瓜湯, 個湯好有南瓜味, 好creamy. 個餐包都要一提, 好似酒店咁有得choose, 我choose左個粟米包, 估佢唔到個包好好味呀, 真係有粟米味架, 正! 到個主菜, 叫左個小龍蝦意大利飯, 好重龍蝦味, 掂! 甜品係個小小cake, 面層係好濃o既朱古力, 底下係tiramisu, 呢個有驚喜呀! 最後係餐飲, 都唔馬虎架, 我叫左柸咖啡, 呢到用左新鮮鮮奶打到起哂泡, 好有誠意, 啲咖啡好濃郁甘香, 冇得彈!!週未咁食法加一連貼士, 每人都只係百一蚊, 幾好啊!