Cafe Siam (The Plaza ) (已結業)

同大學好友飲完幾杯，係時候去食晚飯啦，餐廳座落喺中環lkf嘅核心地段，餸菜嘅價錢唔太貴，平時晏晝時段都經常坐滿。另外每人8蚊，可以任飲still/  sparkling water。先嚟碟精選拼盤，有炸蝦餅、春卷、沙爹豬肉串燒同埋班蘭葉包雞，我自己就最鍾意食佢嘅炸蝦餅。泰式燒鱸魚，條魚肉質嫩滑，配上泰式酸辣汁效果唔錯。燒雞份量夠曬大，而且調味適中，值得推薦。至於炸軟殼蟹，椒鹽味較重，係好食嘅，不過又唔算太特別。