影片
更多
2006-12-14
同男朋友0係旺角行街行到差不多到晚上10點鐘, 路經女人街就唸住搵d從未食過既餐廳試下, 結果入左一間叫做"澳門路環茶餐廳". 一入門口既感覺怪怪, 一間比較陰暗既茶餐廳冇裝修, 但每台都有部細電視, 唸住只係普普通通食餐飯既我就唔理咁多, 開始睇menu...點知...個老闆娘行埋唻介紹佢個二人餐老闆娘: 呢個餐好好賣架, 叫呢個啦, 有炸蟹鉗, 燒烤拼盆, 炒菜, 蝦伊麵同兩杯飲品$128, 我: 我唔想食燒烤野喎, 睇下先啦.老闆娘: 如果你唔想食烤野咁比你轉個小菜啦, 不過個拼盆值五十幾蚊架, 小菜40蚊架咋...我地都未confirm叫果個二人餐佢就自己0係度寫單, 仲問我揀咩菜, 要西蘭花定通菜, 我再話未決定食咩喎, 你一陣先落單啦, 佢就話咁即係要炒飯定伊麵呀? 我見佢非要我食呢個餐不可, 咁我就睇下有咩小菜可以叫啦, 之後見到個煲仔菜既牌我就問佢我: 可唔可以轉呢d$42既煲仔呀? 老闆娘: 得, 不過要加8蚊有冇攪錯呀小菜同煲仔相差果2蚊, 但係竟然要我加8蚊, 我梗係唔制啦, 我都仲未能專心睇餐牌, 佢已經自己入左個二人餐既單就行左去, 過左1分鐘左右再行過唻問我
老闆娘: 呢個餐好好賣架, 叫呢個啦, 有炸蟹鉗, 燒烤拼盆, 炒菜, 蝦伊麵同兩杯飲品$128,
我: 我唔想食燒烤野喎, 睇下先啦.
老闆娘: 如果你唔想食烤野咁比你轉個小菜啦, 不過個拼盆值五十幾蚊架, 小菜40蚊架咋...
我地都未confirm叫果個二人餐佢就自己0係度寫單, 仲問我揀咩菜, 要西蘭花定通菜, 我再話未決定食咩喎, 你一陣先落單啦, 佢就話咁即係要炒飯定伊麵呀? 我見佢非要我食呢個餐不可, 咁我就睇下有咩小菜可以叫啦, 之後見到個煲仔菜既牌我就問佢
我: 可唔可以轉呢d$42既煲仔呀?
老闆娘: 得, 不過要加8蚊
有冇攪錯呀小菜同煲仔相差果2蚊, 但係竟然要我加8蚊, 我梗係唔制啦, 我都仲未能專心睇餐牌, 佢已經自己入左個二人餐既單就行左去, 過左1分鐘左右再行過唻問我揀左個小菜未?
我: 咁我要雜菌炒豬頸肉啦
老闆娘: 乜你頭先唔係話想改煲仔架咩?
我: 加8蚊, 唔啦!
老闆娘: 一係你揀返個煲仔啦, 加你5蚊算~
我: 我睇下有咩煲~
老闆娘: 0下, 你未睇架, 咁算啦, 唔好揀啦, 就食呢個啦!
呀~~~救命呀~~~劉德華幾多號電話呀, 我真係想反檯呀!!!點會有d咁既服務架!!!好冇mood咁食完餐飯就行去比錢, 張單total $140(因為凍飲+$2,特飲+$5,我地各叫一杯) 我地放低$140就走, 點知佢話"我地收加一架"我心唸, 唔係掛服務咁差都好意思收加一,
我地行返埋去, 佢就話$157丫, 我地唯有比多廿蚊佢, 佢找3蚊, 唸唸下, 唔係喎, 加埋一都係$154 only, 呃錢, 同個老闆娘講返, 佢熟手地掉返幾蚊比我地, 好嬲呀, 為左呢間不知所謂既荼餐廳我特登登記做member寫第一次既食評, 真係唔想再有人受害, 仲影響香港既聲譽!!!最後唸真d, 我都仲比佢呃左5蚊, 我都冇轉煲仔, 都比佢加左錢, 大家千萬唔好再幫襯佢呀!!
張貼