影片
更多
2008-12-13
19 瀏覽
早排聽同事講佢新開張, 打哂太鼓又請明星剪綵咁, 我諗個老闆一定好有面子; 見間野咁舖張, 前日放lunch同數位同事去試下佢地既set lunch, 回響不俗! 我叫左個牛肉手打烏冬配蕃茄湯底, 另外同事分別叫左天婦羅手打烏冬配日式湯底、牛仔骨定食同埋滑蛋鰻魚飯; 可能我地響早左放lunch, 上菜既速度都算快。牛肉手打烏冬: d肥牛煮到半生熟, 一d都唔"un"; 雖然講唔出手打烏冬同普通烏冬有咩唔同, 但係一食落個口感就知有出入; 個湯底飲得出真係真材質料, 好濃厚既蕃茄味, 仲有六七舊蕃茄響入面添~ 另外隨餐附送壽司一客, 當日就簡左加州卷(四件)share。天婦羅烏冬: 時間要耐d, 可能要炸; 有蝦又有蕃薯南瓜, 不過d粉略為厚左d, 一落枱就發覺冇我地平時食天婦羅既汁, 打算追問場內侍應, 截住左一個著住西裝既姐姐, 佢耐心咁解釋個烏冬湯底可以充當醬汁, 佢亦都冇強迫我地唔好要個汁, 夠專業~牛仔骨定食: 平時出街食d牛仔骨件件都係得舊骨, 但係今次就冇咁嚴重, 五舊入面有三舊好好肉, 可算係好彩; 同樣係一d都唔"un", 好夠味, 唔會過鹹~滑蛋鰻魚飯: 本身我都打算
牛肉手打烏冬: d肥牛煮到半生熟, 一d都唔"un"; 雖然講唔出手打烏冬同普通烏冬有咩唔同, 但係一食落個口感就知有出入; 個湯底飲得出真係真材質料, 好濃厚既蕃茄味, 仲有六七舊蕃茄響入面添~ 另外隨餐附送壽司一客, 當日就簡左加州卷(四件)share。
天婦羅烏冬: 時間要耐d, 可能要炸; 有蝦又有蕃薯南瓜, 不過d粉略為厚左d, 一落枱就發覺冇我地平時食天婦羅既汁, 打算追問場內侍應, 截住左一個著住西裝既姐姐, 佢耐心咁解釋個烏冬湯底可以充當醬汁, 佢亦都冇強迫我地唔好要個汁, 夠專業~
牛仔骨定食: 平時出街食d牛仔骨件件都係得舊骨, 但係今次就冇咁嚴重, 五舊入面有三舊好好肉, 可算係好彩; 同樣係一d都唔"un", 好夠味, 唔會過鹹~
滑蛋鰻魚飯: 本身我都打算食佢個滑蛋系列, 但落單果陣個侍應提一提我話圖中果碗野唔係蒸蛋, 只係蛋汁, 即轉~ 同事個feedback就話d鰻魚好大片, 數量唔少, 個蛋汁唔錯, 撈飯好開胃!
順帶要講講場內裝修, 大多以茶色鏡為主, 壽司吧中間有條柱, 我諗係天花支柱, 柱身四邊都有鏡, 減輕左佢個礙眼度...但係我就覺得地方略為淺窄左d, 我地果日坐卡位, 後面就係bar枱, 有人坐果陣條走廊真係好迫; 至於洗手間(佢地有塊布寫住"御手洗"), 唔好提, 男女廁各一格, 中間果格好似鎖左咁, 冇人出黎, 共用洗手盆, 仲要係露天...旁邊有個架用黎裝d碗碗碟碟...
服務方面都唔係差, 一坐底就有人斟水同比wasabi, d wasabi係另上響隻碟仔度, 唔似出面要"北", 仲"吱"得好靚添~ 不過未入去之前響門口果陣, 個接侍姐姐好似未瞓醒咁, 我地話想坐卡位但係佢都唔係好知咩黎, 仲係咁問我地想坐order枱定係bar枱, 態度仲唔係咁好, 講拜拜果陣好假, 要改善。
問返果位西裝姐姐先知, 佢地set lunch供應時間係由12pm至5pm@@ 仲要唔加一, 抵食! 會再返去食, 我諗好快呢間江川壽司會成為銅鑼灣另一打工仔飯堂~
ps 睇過下佢地個main menu, 都幾吸引, 搵日放工一定要試下~^^
overall我會比5分。
張貼