富嘉閣 (已結業)

七味炸豆腐唔夠味道，乾爭爭，毫無味道，七味粉唔夠，嚟到又唔夠熱，上菜嗰時啲豆腐唔熱嘅！波蘿叉燒包皮好厚，唔夠熱。芋角鬆化好味囉。陳皮香酥骨食落蜜味，幾甜喎，好有陳皮味，陳皮香酥骨份量少。蝦餃膽固醇好高呀，夠大隻，都足料。小糖菜不過不失，都嫩綠嘅，普通爽無乜特別。豉椒排骨炒河都Okay 嘅，比較油膩。鐵觀音茶味夠濃，都Okay 嘅。地方環境乾淨囉。環境幾好囉，樓底幾高。點心款式唔多。唔係首選，下次未必再嚟，是次體驗未如理想。