七喜粥麵小廚

營業中

休息中

今日去咗土瓜灣呢一邊同朋友喺室內體育館打波，打完波之後成班就決定喺附近搵啲嘢食，就揀咗呢一間海鮮大排檔嘅餐廳，我哋幾個人打完波都唔食得太多嘢，決定要幾樣嘢大家share!其中最令我哋驚喜嘅係佢嘅蟹粥，蟹肉非常鮮味，而且份量嚟講都算幾多，我同朋友一開始以為係都幾細碗，唔知一嚟到嘅時候真係呆咗，我哋四個人食都夠，而且隻蟹都非常靚，餐廳係用新鮮嘅花蟹，咁啱我哋嗰隻仲要係重皮，正，啲膏非常香，有機會會再返嚟呢一間餐廳食佢其他唔同嘅海鮮！用餐經驗都非常之愉快，nice!