泰園 (已結業)

朋友萬歲～想食咩就食啲乜⋯仲要食泰國野添😍真係好正啊！ 又係望下餐牌先細睇下，原來佢都有brunch食@@！下次試下 因為而家都仲係好熱，行完街勁口渴～叫個椰青，泰式特飲解渴先～ 佢呢度既椰青好新鮮，多肉又多汁～清甜解渴 而朋友既「咸檸七」，咸甜得宜☺️ 食個「前菜」先～新鮮生蠔半打生蠔即叫即開，隻隻都充滿淡淡既海水味，唔使點擠檸檬汁都夠鮮味 之前食過椰菜苗，所以黎到呢度都試下⋯但佢呢度個煮法都幾特別，竟然係用咸魚調味，所以味道有點偏重得黎又有點咸香 泰式炒蜆-呢度用左特色既辣椒醬去炒，所以入口辣得黎又帶點甜味！而廚師落左秀珍菇入去炒，所以連佢都滲漏野味既辣汁～真係想叫會白飯黎送添 因為太想食蒜蓉包了～所以就叫左個咖哩雞肉佢呢度個咖哩汁有點稀，食曬啲包包都仲有好多咖哩剩，anyway...佢個蒜蓉包焗得唔錯，很香口、脆卜卜～仲有厚厚既蒜蓉醬，岩岩我 朋友佢可能都太喜歡食蒜，所以叫左「蒜香牛油雞翼」呢個廚師炸得唔夠乾身，入口太多油了，食左兩隻就已經有飽既感覺。 為左消滯，我叫左半份新鮮菠蘿，佢呢度迎合唔同客人口味，所以另上一碗鹽水，真是細心！