Bischofia by Mood

營業中

休息中

響商業大廈林立牛頭角裡面萬綠叢中一點紅既「Bischofia by mood ✨」，餐廳裝修精緻優雅，燈光柔和舒適，而且星期六晚有現場歌手唱歌🎤，氣氛非常好，啱晒同另一半一邊享受食物，一邊享受生活。現代人注重健康，餐廳食品主項健康飲食，有不同款式低卡、低脂、生酮食品，更有健康飲品🥤。首先推介「台式雞腿肉包飯」🍚，賣相吸引，雞腿肉煮得香嫩多汁，裡面飯粒又香又軟，一啖落口，滋味滿滿！另外「法式煙鴨胸繪南瓜五榖飯」🍛，法式煙鴨胸煮得剛剛好，肉質鮮嫩有口感，搭配上南瓜同五榖飯，口感豐富。呢碗飯食落去，一種濃郁嘅法式風味迎面撲來，真係讓人回味無窮！最後仲有「意式蕃茄海鮮繪椰菜花飯」🍛，海鮮同蕃茄嘅組合總係好得意！海鮮鮮味十足，蕃茄醬汁酸甜可口，椰菜花飯蓬鬆香氣四溢。一碗色香味俱全嘅意式飯，絕對令人垂涎欲滴！總括嚟講，「Bischofia by mood ✨」係一間非常值得推介嘅餐廳！餐廳環境優雅，氣氛舒適，仲有現場歌手演唱，真係好適合約埋另一半嚟享受一個浪漫嘅晚餐！