光榮冰室 (教育路)

營業中

休息中

光榮冰室食物改名好有趣，今次叫咗個「三萬完蛋飯」，個名背後嘅意思就自己猜想了。簡單啲嚟講，即係鰻魚蛋飯。飯嘅份量都係一如既往嘅多，上面係一塊好大塊嘅蛋，仲有一條唔算細嘅鰻魚，配上木魚絲，同燒汁。非常出奇地厚，蛋嘅質地都嫩滑，唔係啲煎到老曬嘅蛋。鰻魚嘅質地都唔錯，厚肉，彈牙，唔會一夾就散曬，不過味道就唔係咁理想。醬汁比較重口味，偏鹹；魚嘅味道就會腥少少。配飯食都還好，但係就咁食就差啲了。不過整體嚟講唔算太貴，都okay嘅。