九份•十分 (河畔花園) (已結業)

今日終於同到我個好姊妹D食飯喇，之前約極佢都約唔到，我地今日揀左食河畔花園嘅九份·十分。D黎接我收工（好感動呀）之後一齊搭車去沙田圍。作為前沙田友嘅我，要由馬鐵沙田圍站行去，當然唔難啦XD由於我地兩個都話自己細食左，所以只叫左紅燒牛肉麵（$62）d麵好有咬口，牛肉煮到好軟熟食落唔黏牙！涼拌四季豆（$38）因為想有碟菜而叫，好爽口好開胃！台灣鹽酥雞（$42）外層炸得夠脆，放左陣都唔會腍晒，加埋可以灑上唔同調味粉，正！D個凍珍珠奶茶（$22）珍珠夠煙韌，奶茶香滑～我個綜合水果茶（$48）唔同水果合為一體，甜甜酸酸好清新！價錢合理、食物質素唔錯，下次可以再黎食其他野！