影片
更多
2016-11-25
823 瀏覽
今餐要多謝好友同我哋兩個慶生(兩個同一日生日)，聽聞H8有好多嘢食，我都係第一次嚟。可能星期五，個個都出嚟搵食，等Lift都等咗一段時間先上到去。訂位時朋友專登選咗近窗卡位，三個人坐可以係咁吹水都唔阻人又坐得舒服。今次叫咗海鮮拼盤、蟹肉龍蝦汁墨魚麵、黑松露雞翼同紅茄水牛芝士薄餅海鮮拼盤有龍蝦、青口、蝦、蜆、螺同生蠔。生蠔唔新鮮、蝦爽但無蝦味、蜆清甜、螺無特別、青口我只喜歡吃藍青口所以無食、唯一我覺得唔錯係龍蝦，龍蝦膏多，肉清甜。但我下次嚟一定唔會叫呢個蟹肉龍蝦汁墨魚麵 ，其實我唔多明點解上面有啲粟米片，加埋落啲汁可以講有點多餘。 麵條有咬口軟硬度啱啱好，我鍾意。龍蝦汁好鮮濃，每條麵都掛滿咗醬汁，加埋蟹肉一齊食，真不錯黑松露雞翼，本身隻雞翼係做到外脆，但雞肉無咩味，勝在佢個面勁多松露醬，好香好濃。紅茄水牛芝士薄餅，因為之前得啲肉就叫個清清哋，因為佢用薄皮，焗到有啲似餅乾， 蕃茄令芝士唔會太漏，再加千島醬底同埋佢上面啲羅勒好夾好清新，呢個配搭令人突然覺得自己好健康（假象）
今次叫咗海鮮拼盤、蟹肉龍蝦汁墨魚麵、黑松露雞翼同紅茄水牛芝士薄餅
海鮮拼盤有龍蝦、青口、蝦、蜆、螺同生蠔。生蠔唔新鮮、蝦爽但無蝦味、蜆清甜、螺無特別、青口我只喜歡吃藍青口所以無食、唯一我覺得唔錯係龍蝦，龍蝦膏多，肉清甜。但我下次嚟一定唔會叫呢個
蟹肉龍蝦汁墨魚麵 ，其實我唔多明點解上面有啲粟米片，加埋落啲汁可以講有點多餘。 麵條有咬口軟硬度啱啱好，我鍾意。龍蝦汁好鮮濃，每條麵都掛滿咗醬汁，加埋蟹肉一齊食，真不錯
黑松露雞翼，本身隻雞翼係做到外脆，但雞肉無咩味，勝在佢個面勁多松露醬，好香好濃。
紅茄水牛芝士薄餅，因為之前得啲肉就叫個清清哋，因為佢用薄皮，焗到有啲似餅乾， 蕃茄令芝士唔會太漏，再加千島醬底同埋佢上面啲羅勒好夾好清新，呢個配搭令人突然覺得自己好健康（假象）
張貼
