影片
更多
2010-11-09
26 瀏覽
是晚四名最多野講既女子又聚首一堂，晚飯地點遷就大家一定係港島區架啦，都唔係好知食咩好，最後有人提出想食日本菜，就揀左黎呢度試下。大家放工時間都比較早，所以好早已黎到灣仔，決定去餐廳坐下好過。大概六點幾七點未夠，入到去餐廳一個人都無，店員安排左我地坐室入一張大檯，結果坐左勁耐都無咩客人好似包左場咁，可以幾嘈都得啦。店內環境都唔算太大，只有幾張檯，另一邊就係魚生吧檯，不過我眼見D位置都幾迫下。由於大家都肚餓所以就要快D叫野食啦，有人話一定要食刺身，所以最後揀左個大既刺身拼盤，不過黎到覺得麻麻咋喎。首先好明顯解凍唔夠，嘩，食到少少碎雪，而且D刺身唔算好新鮮，鱆紅魚吞拿魚個D又有D筋，拖羅一D鮮味都無又唔夠肥美.... 嗯... 奉勸大家唔好叫啦。其他小食類既食物都唔差的，可以一試。首先叫左明太子雞翼，不過我地等左好耐佢先黎，雞翼都幾香脆，而且內裡明太子餡幾多幾鹹香，又有少少辣咁好惹味，唔錯。鰻魚煎蛋卷份量俾我想像中細，咬落唔係好夠熱，而且蛋香唔夠，所以比較一般。吉列蠔感覺外面層炸粉幾厚，但食落又唔會太肥膩太熱氣，都幾香口好食的。蠔細細隻，不過好在都算鮮味，OK啦~ 清酒煮蜆黎到感覺都係一般，
是晚四名最多野講既女子又聚首一堂，晚飯地點遷就大家一定係港島區架啦，都唔係好知食咩好，最後有人提出想食日本菜，就揀左黎呢度試下。
大家放工時間都比較早，所以好早已黎到灣仔，決定去餐廳坐下好過。大概六點幾七點未夠，入到去餐廳一個人都無，店員安排左我地坐室入一張大檯，結果坐左勁耐都無咩客人好似包左場咁，可以幾嘈都得啦。
店內環境都唔算太大，只有幾張檯，另一邊就係魚生吧檯，不過我眼見D位置都幾迫下。由於大家都肚餓所以就要快D叫野食啦，有人話一定要食刺身，所以最後揀左個大既刺身拼盤，不過黎到覺得麻麻咋喎。首先好明顯解凍唔夠，嘩，食到少少碎雪，而且D刺身唔算好新鮮，鱆紅魚吞拿魚個D又有D筋，拖羅一D鮮味都無又唔夠肥美.... 嗯... 奉勸大家唔好叫啦。
其他小食類既食物都唔差的，可以一試。首先叫左明太子雞翼，不過我地等左好耐佢先黎，雞翼都幾香脆，而且內裡明太子餡幾多幾鹹香，又有少少辣咁好惹味，唔錯。鰻魚煎蛋卷份量俾我想像中細，咬落唔係好夠熱，而且蛋香唔夠，所以比較一般。
吉列蠔感覺外面層炸粉幾厚，但食落又唔會太肥膩太熱氣，都幾香口好食的。蠔細細隻，不過好在都算鮮味，OK啦~ 清酒煮蜆黎到感覺都係一般，首先我覺得佢清酒味唔係好夠，個湯幾淡下。另外就係D蜆細細隻又無咩味道，有D煮到未開口都算，有D又有沙.... 唉... 又係一般。
我地仲有叫左D卷物，分別叫左個海膽四色卷同埋XX鎗魚卷(真係唔記得左佢個名)。前者叫到黎先知原來我地有兩個係唔食海膽的，哈，咁就我同另一朋友搞掂哂佢。四色卷係分別表面用左d唔同既魚籽，入面既餡都係青瓜牛油果等，不過呢個其實幾好食，因為佢d海膽幾新鮮，味道幾鮮甜所以食落味道唔錯。另外個XX鎗魚卷我覺得都幾好食，有D香蔥幾香，加埋味道夠鮮，覺得佢D卷物幾好食。
食完唔夠飽，最後叫多個飯。Menu上有煎蛋豬扒/雞肉飯，不過我地都麻麻地，最後佢幫我地改左個煎蛋鰻魚飯，哈，服務真好。個飯ok啦，蛋汁幾多，鰻魚都夠肥美鮮味，唔太差的，不過多d鰻魚汁會好味dd。
最後個侍應哥哥仲送左個雪糕俾我地食，有三隻味，睇黎都似雀巢三色雪糕D FRIEND，哈，不過送的唔好要求咁多啦。我地是晚除左以上食物仲有叫左 4 枝啤酒，最貴其實係個刺身/// 不過我覺得最差都係個刺身.... 總括呢度食物一般，嗯... 應該未必有下次。
張貼
