上海真真豆漿大王 (已結業)

响三十幾度嘅天氣下，三舖冷氣只開一舖，大佬你賣熱辣辣湯麵架，有無理下客感受呀？你企响度，就緊係唔熱啦！死都堅持話個冷氣英文來架，唔識開冷氣，仲要講多句“熱咪唔好出街囉！留响屋企嘛！阿姐，唔係見你一把年紀，真係插到你飛上天花板呀！服務差不特止，依家啲排骨炸到乾過“豬肉乾“仲要收$20塊，你啲排骨鑲金架？雲吞粒粒散開晒！皮還皮，肉還肉，我依家叫咗碗菜肉丸加雲吞皮咩？食個五十幾蚊嘅早餐，食到一身汗一肚氣，不知所謂嘅食店！p.s.最後在走之前，見客人多了之前又走咗幾個客，先死死地氣開番啲冷氣！