影片
更多
2018-05-25
4157 瀏覽
我本身話過咗冬天唔再打邊爐，但都係抵不住誘惑。「焱」，三道火，單是望住個名都覺得熱。朋友提議嚟呢度食涮涮鍋，話傾計舒服D。所謂「焱」，原本我以為係因為呢度出名麻辣鍋，畢竟一出𨋢口，就見到「理想很豐滿 現實很麻辣」、「辣得淚流滿面」之類嘅Slogan。但原來三道火，亦可以解呢度嘅三味鍋。呢度主要有兩種邊爐食法，其一係粥底火鍋，另一種就係三味鍋啦。兩者套餐都係一樣價錢，平日都係$288一位。想試多D湯底，毫不猶疑就選擇咗後者。三味鍋一定有嘅係火焰清酒煮蜆，剩餘兩款就可以從10種湯底任意選兩種。因為呢排想食得清淡D，所以另外兩款揀咗養生人參藥膳鍋同姬松茸珍菌煲。本身鍋中間個位係空嘅，侍應加入蜆同酒之後點火，火苗迅速躥起來。蜆唔錯，粒粒脹卜卜，全部開曬口，肉甜而冇沙。 兩個大湯底呈乳白色，味道卻截然不同。人參鍋白中帶點紅，紅的是粒粒杞子。除了有很重藥材味，另外也有很重胡椒味，藥味中帶辣辣的感覺，朋友覺得有D唔太夾，不過我諗對身子一定好好，冬天飲就夠暖胃；而我個人嚟講，個珍菌煲真係啱晒我，姬松茸口感脆嫩，肉質緊密而有彈性，味道香而醇。唔單止D菇好味，個湯底都甜而潤喉，唔會覺得燥。等緊嘢食上嘅時候
所謂「焱」，原本我以為係因為呢度出名麻辣鍋，畢竟一出𨋢口，就見到「理想很豐滿 現實很麻辣」、「辣得淚流滿面」之類嘅Slogan。
但原來三道火，亦可以解呢度嘅三味鍋。
呢度主要有兩種邊爐食法，其一係粥底火鍋，另一種就係三味鍋啦。兩者套餐都係一樣價錢，平日都係$288一位。
想試多D湯底，毫不猶疑就選擇咗後者。三味鍋一定有嘅係火焰清酒煮蜆，剩餘兩款就可以從10種湯底任意選兩種。因為呢排想食得清淡D，所以另外兩款揀咗養生人參藥膳鍋同姬松茸珍菌煲。
本身鍋中間個位係空嘅，侍應加入蜆同酒之後點火，火苗迅速躥起來。
蜆唔錯，粒粒脹卜卜，全部開曬口，肉甜而冇沙。
兩個大湯底呈乳白色，味道卻截然不同。人參鍋白中帶點紅，紅的是粒粒杞子。除了有很重藥材味，另外也有很重胡椒味，藥味中帶辣辣的感覺，朋友覺得有D唔太夾，不過我諗對身子一定好好，冬天飲就夠暖胃；而我個人嚟講，個珍菌煲真係啱晒我，姬松茸口感脆嫩，肉質緊密而有彈性，味道香而醇。唔單止D菇好味，個湯底都甜而潤喉，唔會覺得燥。
等緊嘢食上嘅時候，沙律同嘢飲都送到啦。柚子沙律·麻香拌蟲草花，沙律是普通生菜就唔講太多啦，蟲草花就正，可能我自己鍾意D口感QQ嘅食物，蟲草花有彈性而爽口，每條裹著麻油，雖然略肥仔，但都好味。
飲品則是無花果雪梨茶，夠曬清潤冰涼，味道唔死甜，靠嘅都係雪梨的果糖。
呢個套餐包咗一份5款嘅時令海鮮拼盤，當日有蟶子皇、基圍蝦、墨魚片、龍躉片同埋帶子。海鮮淥嘅時間真係要把握得好好，嗰日五款海鮮，每樣都好新鮮好甜，唯獨淥帶子時有少少淥耐咗，口感老咗而甜味都少咗。但其餘四款，龍躉、墨魚片爽口彈牙；蟶子同基圍蝦甜到想Encore。
我地兩個人，肉類可以揀一款，揀咗手切Prime肥牛（要加$38）。呢碟肥牛比起平時屋企打邊爐嗰種其實唔會瘦得去邊，但係佢脂肪同肉係分佈得極均衡，雪花紋好靚，同牛肉嘅梅紅色相映成趣。
淥完嘅牛肉Even全熟都仍然好嫩，唔使點汁，就咁感受佢濃郁牛味。
手工火鍋拼盤，有黑松露豚肉餃子、鮮蝦雪條棒、太極鮮冬菇、花膠牛丸、元貝三層墨魚磚，就返人數每款兩份。其中我覺得餃子係好味既，有種食灌湯小籠包嘅感覺，咬落口湯汁湧出來，黑松露嘅馥香散播到成個口都係；而花膠牛丸夠彈牙，口感似牛筋丸，牛味好濃郁。
鮮蝦雪條棒就造型夠曬特別，得意勝過好食，蝦棒So far都叫做彈牙嘅。有粒粒蟹子食落口有卜卜卜嘅感覺。
呢度嘅響鈴都唔錯，新鮮炸出嚟，豆味夠曬香。
完場仲有個甜品桂花糕，清得嚟唔滯。我覺得呢度料都唔錯係高質嘅，不過揀嘅湯底都清，下次嚟食都係唔好怕熱氣，叫埋個麻辣鍋就夠曬滋味啦。
張貼
