影片
更多
2022-10-27
26 瀏覽
無辣不歡嘅我又出動去試川菜啦🤩 成日喺網上見人share呢間川菜，大大艘炸饅頭船勁啱打卡，所以就一於去試吓佢哋嘅辣野睇吓係咪真係咁好食😋🌃 環境 (3/5)麻辣風雲有幾間分店，今次就去銅鑼灣分店😗 餐廳喺地鐵站C出口對面，超級方便🤩 餐廳鋪面唔算好大，枱與枱之間嘅距離比較窄，但都未去到好逼，可以接受嘅😆 😋 食物 (4/5)🍞 炸饅頭 $58🐟 酸菜魚 $268🐽 蒜泥白肉 $78🐔 花雕醉雞 $98🍜 四川擔擔麵 $68🍡 黑糖脆炸糍粑 $58🌼 菊花蜜 $48一坐低第一時間就嗌個炸饅頭先😋 呢個基本上係每檯必嗌❤️ 饅頭炸到脆卜卜放喺艘船上面，諸葛亮企喺船頭，船身有乾冰噴煙，成個三國演義嘅畫面出曬嚟🔥 饅頭咬落外脆內軟，點埋煉奶食真係超邪惡😈食得川菜緊係試吓佢哋嘅酸菜魚🐟 嗌咗中辣中酸大麻🔥酸菜湯底夠辣夠香夠惹味🌶🌶 大麻真係會食到條脷無知覺，好過癮🤣 酸菜魚份量好多，3-4個人share都夠食～ 酸菜偏鹹，如果就咁食會太重口味，配飯食會好啲🫣 除咗魚片之外仲有䈑筍同菇等等嘅配菜🍄 唯一美中不足嘅係寬粉質地偏軟，易斷而且唔夠煙韌，如果可以改善埋就好啦👍🏻小食方面嗌咗蒜泥白肉同花雕醉雞
🌃 環境 (3/5)
麻辣風雲有幾間分店，今次就去銅鑼灣分店😗 餐廳喺地鐵站C出口對面，超級方便🤩 餐廳鋪面唔算好大，枱與枱之間嘅距離比較窄，但都未去到好逼，可以接受嘅😆
😋 食物 (4/5)
🍞 炸饅頭 $58
🐟 酸菜魚 $268
🐽 蒜泥白肉 $78
🐔 花雕醉雞 $98
🍜 四川擔擔麵 $68
🍡 黑糖脆炸糍粑 $58
🌼 菊花蜜 $48
一坐低第一時間就嗌個炸饅頭先😋 呢個基本上係每檯必嗌❤️ 饅頭炸到脆卜卜放喺艘船上面，諸葛亮企喺船頭，船身有乾冰噴煙，成個三國演義嘅畫面出曬嚟🔥 饅頭咬落外脆內軟，點埋煉奶食真係超邪惡😈
食得川菜緊係試吓佢哋嘅酸菜魚🐟 嗌咗中辣中酸大麻🔥酸菜湯底夠辣夠香夠惹味🌶🌶 大麻真係會食到條脷無知覺，好過癮🤣 酸菜魚份量好多，3-4個人share都夠食～
酸菜偏鹹，如果就咁食會太重口味，配飯食會好啲🫣 除咗魚片之外仲有䈑筍同菇等等嘅配菜🍄 唯一美中不足嘅係寬粉質地偏軟，易斷而且唔夠煙韌，如果可以改善埋就好啦👍🏻
小食方面嗌咗蒜泥白肉同花雕醉雞😛 蒜泥白肉好出色🐽 白肉片上面鋪滿蒜蓉，加埋成碗紅油就知唔少嘢😎 食落反而無想像中咁辣，蒜蓉味好香，整體調味啱啱好，可以同酸菜魚交替嚟食😋 花雕醉雞酒味濃郁，味道帶甜，食完咁重口味咁辣嘅嘢用佢嚟清吓個口腔好唔錯😆
我哋一行4人仲另外嗌咗個擔擔麵🍜 擔擔麵麻醬味突出，麵質都唔錯，如果花生醬味再濃郁啲就perfect啦🥜
作為煙韌控嘅我又點會錯過黑糖糍粑呢🍡😚 黑糖蜜好香甜，配埋黃豆粉同炸到啱啱好，煙煙韌韌嘅糍粑一齊食真係一流，超滿足❤️
💰 價錢 (4.5/5)
Average Price $250-300pp
呢間嘅嘢食真係大件夾抵食！🤑 我哋4個人嗌到成檯嘢食連啤酒飲品人均$300唔洗，最啱三五知己一齊嚟食飯～雖然食物味道同層次唔可以同高級川菜廳比，但勝在性價比高🤩 而且地點方便，食物質素又唔錯，難怪平日夜晚都咁旺場啦😚
....
Checking out this affordable and authentic Sichuan restaurant! Spicy Restaurant is located at the heart of Causeway Bay. This place can definitely satisfy your craving for spicy food 🌶🌶 Sour pickle fish is always on my list when I visit a Sichuan restaurant. The portion was really generous and the taste was strong and intense 🔥🔥 The deep fried bun's presentation was really fancy and photogenic. No wonder it could be a signature dish here 🤩 We ended the dinner with the black sugar mochi. Given the reasonable price and high quality of food, it's one of the best places for group gatherings!! 😆
張貼
