棠記海鮮小廚

營業中

休息中

一講到食海鮮，就會諗起三聖呢個地方。但今次因為工作關係經過三聖邨，想簡單食個晚飯，估唔到都有驚喜，三聖呢個地方都唔係話淨係食海鮮先嚟得嘅招牌菠蘿咕嚕肉咕嚕肉炸得好脆口，但裡面嘅肉汁都保留到。酸甜汁十分開胃，酸度嘅比較幾平衡，唔會酸得好嗆喉，特別嘅係菠蘿係完整一執咁上，純粹用火燒一燒，唔會煮到濕淰淰，好香甜。金銀蛋肉鬆扒時蔬呢個經典嘅港底晚飯小菜，咸蛋皮蛋嘅味煮哂融合哂落上湯到，所以上湯嘅味道好濃烈，完全唔覺得有味精嘅感覺，當佢係個湯嚟飲都無問題。加埋菜嘅清甜味，感覺好下火。西蘭花炒蝦球西蘭花炒得好翠綠，蝦球做到明蝦嘅口感，爽口彈牙，每次都好新鮮，加上薑片同韮黃嘅香氣，提升左蝦球嘅鮮味。另外有鑊氣之餘，油量都適中，雖然係大排檔式小菜，但都唔會食到成口油。